Tuni annnek khit tawlnga kawm a, Zomi Daily site kahawh le, thu tuamtuam Zomi site te ngeina mah bangin in na om ngeingai hi. Ka en behbeh le mun khat ah, alamdang piankhat na om in " Zomi Sonnet" kici hi.
Tua Zomi sonnet acihna kaveel le, poem lalai vive hi in, aphuakpa pen Thawnpi kici hi. Thawnpi cih pen akua cih katheihloh hangin, poem hizahta gelh cihmawk pen, thupi kasa mahmah na khat hong suak hi.
Nisim Nunzia
Phalvak buh-al hong khuang ngeungeu
An su kikkikh tui tawi keihkeih;
An hawp lualua bawm pua kheukheu*
Vailo zuan in pai suk leihleih.
Tungsunni in hong el vengvang
Tukawl tawi in lokho kehkeh;
Zu va bengin kutsan vengvang
Ankung khang leh nuam lua tehteh.
Keel-an khop in ciah to kengkeng
Huihkhi hong lang din khawl dingdeng;
Vaimim ciim khing sa sak lengleng
Kisil sitset um pah tingteng.
Khua mial hanhan kha tang ciaiciai
Itlehngaih tawh khawlkhawm liailiai.
By: TP Thawnpu
Banghanghiam ci le poem genloh, nisim thupiang khat zong gelh sawm taktak leng, baih hetlo vial hi. Laigelh cih pen abaihlopi khat himawk hi. Poem gelh cihciang bel lunglut taktak le iit taktak kei le gelhkhia theilo ding hi, gelhthei le zong mi en dinga, laikung tawi a kui khia ding baihlo lai hi. Zonet phengciak lak khonga i gelh pak nangawn, nung sim leng i ki awiloh kikna bang tam thei hi.
Khatvei Mandalay ah lawmte khat in mikhat hong introduce in " Amah pen amin Ba Thit hi in, Poet/Kabya Saya hi" hong ci hi. i theihtheih le tua kabya saya Ba Thit pen, a poem gelh magazine ah khatvei suakngei a, tua akipan kabyasaya akici hihtuak hi. Amahmah zong kei kabya saya hi ing ci in, kamdimdim mah in ciak liahliah lel hi.
Simlei ah Nopna Om Ding
Sinlung sung mah zon ding pha bel
Singlung a mang dikna dikna;
Sinlungtang sung dikna dim leh
Gamtat luheek et in lawm ding.
A mi zata' ciin a pha bel
Gamtat luheek et in lawmna;
Gamtat luheek et hong lawm leh
Innkuan bangkua kithuhual ding.
Vangam malep zahdong nuam bel
Innkuan bangkua sinthuhualna;
Innkuan bangkua sinthuhual leh
Minam sungah diamdiam om ding.
Minam bup sung diamdiam om leh
Nuai simlei ah nopna om ding.
Tutunga a Pu Thawnpi leuleu bel, Zomi Daily ah a lalai phuah tampi kimu thei a, Zomi magazine (online) ah zong kisuaksak zihziah ahihciangin, Zomi poet/lalaipu khat cileng kikhial hetlo hi.
Tuni blog walking kapaina ah, kathumuh khat blog a kong hawmsawn hi.
Tuni a Kawlte i thuaklah keei pen a galkap, pilnanei le a zaangbuh hang uh hilo in, tuma kum 60-70 kiim lai khonga Thakin Kodaw Hmaing i poem gelhte le Thakin Ba Thaung i hanthawna le hansuahna te i nunggu, Zomi te'n a khawnung thuak i hihi. Amau laigelh le poem gelhte in, Kawlmite thatho sak zo in, hong kilungso sak a hong kisaan uh le, suahtakna ngah takpi kha uh ihi lel hi, minamdangte bang amau khutnuai a koih ding bang hong sakha liang uh hilel hi.Kawl minam pen punam/tonam (Thakin) bek hilo in, pasian ( Kalar Buddha) tawh beh khat phung khat ahi Sakya suante hihang ci a ,hong mutmut mawk uh le, Christian Zomite bang satanbia ( Deihhti) le Barbarian ( Luyine) bang hong sa zawzen in, i piangthak ding le i civilise ding bang hong deihsak a, hong uksuk uh a hong kivaihawm sak uh hidep hi.
Zota Lungdeih
Zaideih awisiam lengthe hileng
Singdang hoihna awiawi kei ning
Tuunnu Zogam lobang tul zong
Tuunnu lungzuan phawn na'n awi ning.
Siamsin lungcim vabang pil leng
Singta lei ah tham mangh kei ning
Tuunsung khat piang Zo vontawi teng
Giabang zuunin thaangbang veh ning.
Simlei nunnuam hai tawi hileng
Singta lei ah khuasa kei ning
Zogam Zolei nal guabang hah
Siamsil min lian tuang tut bel ning.
Kammei bangsa Tuunnu saklung
Huihkhi bang seem, seem siam nuam lua'ng.
By: TP Thawnpu
British te'n akhutnuaimite uh piangthak nang le ,civilise nanga gamkeek daan a kinei ngei uh ahihi. tua ciing uh hideeep hi.
Bangteng hi le Zomi laingek khoih thei, Zomi lalai le lalaipu tampi hong pian beh ding ngaklah huai mahmah ei guai !
( Thawnpi lalaite a kimin na awi nuam le www.zomidaily.com ah om hi, )
Tua Zomi sonnet acihna kaveel le, poem lalai vive hi in, aphuakpa pen Thawnpi kici hi. Thawnpi cih pen akua cih katheihloh hangin, poem hizahta gelh cihmawk pen, thupi kasa mahmah na khat hong suak hi.
Nisim Nunzia
Phalvak buh-al hong khuang ngeungeu
An su kikkikh tui tawi keihkeih;
An hawp lualua bawm pua kheukheu*
Vailo zuan in pai suk leihleih.
Tungsunni in hong el vengvang
Tukawl tawi in lokho kehkeh;
Zu va bengin kutsan vengvang
Ankung khang leh nuam lua tehteh.
Keel-an khop in ciah to kengkeng
Huihkhi hong lang din khawl dingdeng;
Vaimim ciim khing sa sak lengleng
Kisil sitset um pah tingteng.
Khua mial hanhan kha tang ciaiciai
Itlehngaih tawh khawlkhawm liailiai.
By: TP Thawnpu
Banghanghiam ci le poem genloh, nisim thupiang khat zong gelh sawm taktak leng, baih hetlo vial hi. Laigelh cih pen abaihlopi khat himawk hi. Poem gelh cihciang bel lunglut taktak le iit taktak kei le gelhkhia theilo ding hi, gelhthei le zong mi en dinga, laikung tawi a kui khia ding baihlo lai hi. Zonet phengciak lak khonga i gelh pak nangawn, nung sim leng i ki awiloh kikna bang tam thei hi.
Khatvei Mandalay ah lawmte khat in mikhat hong introduce in " Amah pen amin Ba Thit hi in, Poet/Kabya Saya hi" hong ci hi. i theihtheih le tua kabya saya Ba Thit pen, a poem gelh magazine ah khatvei suakngei a, tua akipan kabyasaya akici hihtuak hi. Amahmah zong kei kabya saya hi ing ci in, kamdimdim mah in ciak liahliah lel hi.
Simlei ah Nopna Om Ding
Sinlung sung mah zon ding pha bel
Singlung a mang dikna dikna;
Sinlungtang sung dikna dim leh
Gamtat luheek et in lawm ding.
A mi zata' ciin a pha bel
Gamtat luheek et in lawmna;
Gamtat luheek et hong lawm leh
Innkuan bangkua kithuhual ding.
Vangam malep zahdong nuam bel
Innkuan bangkua sinthuhualna;
Innkuan bangkua sinthuhual leh
Minam sungah diamdiam om ding.
Minam bup sung diamdiam om leh
Nuai simlei ah nopna om ding.
Tutunga a Pu Thawnpi leuleu bel, Zomi Daily ah a lalai phuah tampi kimu thei a, Zomi magazine (online) ah zong kisuaksak zihziah ahihciangin, Zomi poet/lalaipu khat cileng kikhial hetlo hi.
Tuni blog walking kapaina ah, kathumuh khat blog a kong hawmsawn hi.
Tuni a Kawlte i thuaklah keei pen a galkap, pilnanei le a zaangbuh hang uh hilo in, tuma kum 60-70 kiim lai khonga Thakin Kodaw Hmaing i poem gelhte le Thakin Ba Thaung i hanthawna le hansuahna te i nunggu, Zomi te'n a khawnung thuak i hihi. Amau laigelh le poem gelhte in, Kawlmite thatho sak zo in, hong kilungso sak a hong kisaan uh le, suahtakna ngah takpi kha uh ihi lel hi, minamdangte bang amau khutnuai a koih ding bang hong sakha liang uh hilel hi.Kawl minam pen punam/tonam (Thakin) bek hilo in, pasian ( Kalar Buddha) tawh beh khat phung khat ahi Sakya suante hihang ci a ,hong mutmut mawk uh le, Christian Zomite bang satanbia ( Deihhti) le Barbarian ( Luyine) bang hong sa zawzen in, i piangthak ding le i civilise ding bang hong deihsak a, hong uksuk uh a hong kivaihawm sak uh hidep hi.
Zota Lungdeih
Zaideih awisiam lengthe hileng
Singdang hoihna awiawi kei ning
Tuunnu Zogam lobang tul zong
Tuunnu lungzuan phawn na'n awi ning.
Siamsin lungcim vabang pil leng
Singta lei ah tham mangh kei ning
Tuunsung khat piang Zo vontawi teng
Giabang zuunin thaangbang veh ning.
Simlei nunnuam hai tawi hileng
Singta lei ah khuasa kei ning
Zogam Zolei nal guabang hah
Siamsil min lian tuang tut bel ning.
Kammei bangsa Tuunnu saklung
Huihkhi bang seem, seem siam nuam lua'ng.
By: TP Thawnpu
British te'n akhutnuaimite uh piangthak nang le ,civilise nanga gamkeek daan a kinei ngei uh ahihi. tua ciing uh hideeep hi.
Bangteng hi le Zomi laingek khoih thei, Zomi lalai le lalaipu tampi hong pian beh ding ngaklah huai mahmah ei guai !
( Thawnpi lalaite a kimin na awi nuam le www.zomidaily.com ah om hi, )
No comments:
Post a Comment