Irrawaddy Kido Zo

Mipi, gamdang omte, KIA le SSA te'n sisan naisan bei a panlakna hangin, Myanmar Army in Irrawaddy Guunpi China ah atawnpi a azuaksawm pen lawhsam ta cih kiza hi. Tuni 30 September, 2011 in Penglam President Thein Sein in Pingpei Parlaiment ah meesage khak ta ci in kiza ahihi.

Japan ah Pi Cing Hau Lun in September 19, 2011 in Campaign ziahziah ci in Sia Pau Kim Tuang in Facebook ah report hi.

Kachin Independence Army thupulak Pa Nang in " Irrawaddy Dam Project pumpi a khawl ahih ding thupi hi, mipi lungkim sak pakna a, khembawl a khawlpak ahihloh ding ka deih uh hi" ci in gen hi. 




A kideih nawn phalo Kawl mipi makai Aung San Suu Kyi in zong Irrawaddy Dam kikhawlsak pen amuak thu pulak hi.

Irrawaddy Dam pen 2006 kum a Myanmar Army in China te kiangah Dollar awn 3600 tawh azuaksim hi in, khawphelep mei Mega Watt 6000 val piang ding a avek phial a hi 90% zuaksim sawm uh ahihi.

Tua Irrawaddy Dam hangin tua mun a om Christion Singlamteh lianpi pen M.A/USDP in phuk uh a, Kachin mipi 12000 val zong hawlkhia uh ahihi. Kachin Independence Army- KIA in Irrawaddy Dam Project akhawl kei leh gal piang ding hi, ci in China le Myanmar USDP/M.A warning piapia ta leh, thusimlo uh ahihmanin, June 9, 2011 a kipan Kachin-Myanmar gal hong kipan ahihi.

Tua bek thamlo in Irrawaddy pen Myanmarian Kawl mipite a ding in, anuntakna bulpi uh ahihmanin Kawl te'n zong gamsung ah thautang nangawn lauzo nawnlo in, lungphona hong neih sawm uh ahihi. Tuipigal Tai Kawl le minam tuamtuam te'n zong nakpi in langpan ciat ahihi.

Zomi sung pan zong ZIA in mualgam galkapte tawh kizom in kapkhawm ta uh hi, tua banah gamdang tung Zom te'n zong pan kila ciat ahihi. Japan a Save Irrawaddy Movement bangah Zomi numei lak pan Pi Cing Hau Lun bang Facebook le net tuamtuam ah min thang mahmah cih kiza ahihi.

Irrawaddy kihunkhia le Meitei guun zong hun khiat sa ahihmanin, Zogam Superstar Pu Pauno zong lungnuam ta ding ahihi, ci in nungak tangval te'n gen ngeingai uh ahihi.

Kidophuai khat ah bel Thein Sein in amau term kum 5 sung ding bek in gen kieukiau ahihi. Tualthat Zaw Min ( Power Minister) le Chinese Tin Aung Myint Oo te bel neksa thalawh uh ahihmanin, lungkim hetlo uh ci hi. Tua ahihmanin 2015 Penglam kiteelna ah Tin Aung Myint Oo le Tualthat Zaw Min tepawl in angah vua le bel "Meiteiguun kigo kik" veve thei hi, kici hi.