KIA Battalion No.9 kia

TO: 1 recipient

Show Details

Message body

Shan State a KIA Brigade 4 nuai a battalion No. 9 phualpi Daknai Camp pan in,   KIA in Kawl Penglam 100 val akap liam khit uh ciangin Sunday ni in nusia uh ,  ci in September 26, 2011 report ah kiza hi.

Kachin Independence Army officer te'n Bn. 9 phualpi galte nuai ah kia cih Kachin News ah confirm uh kici. Bn.9 pen Major Mahkaw Laring makaih hi in, KIA Brigade4 nuai a batttaion 3 te lak a khat ahihi. Kikapna ni 2 sung sawt in Kawl Penglam Division No 88 le 99 in kaphuan uh ahihi.

KIA lam pan Leautenant ( Bok 2) khat kihel in galkap 2 motar puakkham hang in si uh cih kiza hi.

Myanmar Gamkeekte bet asi hon khat aphak banah 100 val liam ci in kiza hi.

Bn.9 officerte genna ah Myanmar Army in a mihing in buluh ngamlo uh a, 120 mm Mortar pi te tawh sun le zan kapkap ahihmanin, beng ngong lua sa a KIA te'n  camp nusia uh hih tuak hi.

Sunday ni mah in Namtu Township sungah zong, KIA Bn.No.8 leh Myanmar Gamkeekte kikapna nasia tak om in, KIA lam pan 5 si in Myanmar Gamkeek migilo dozen khat val si hi, ci in kiza hi. Kikapna om khit ciang Myanmar Column guallel in nungkin cih kiza hi.

Myanmar Gamkeek te'n September 24 ni a kipan, Operation Storm pen Div.88 le 99 zang in pan uh a, Battaion heaquaters  khat lazo pan uh ahihi. Tu'n KIA Brig.4 heaquaters le battalion dang nih i phualpi cianlai ahihi.

KIA lamin agenna vuah kikapna pen nasia tektek lai ding in ka lam en uh hi, ci in gen uh hi.

Kachin mipi tampi China ah galtai sawm ta le uh China le Kawl ciangkhut BGF te'n China lutsak lo in lamkal pan na kham uh ci hi.

Source muanhuai mahmah  khat pan kizakna ah Myanmar le China in Irrwaddy Dam le Arakan Gas Pipeline bawl nangin KIA te vau uh a, KIA le Kachin mipi lau tuanlo a pang tentan uh ahihmanin, China te'n lamdang sa in  tu'n thusim pianpian kik pan cih kiza hi. 

China ngaihsunna ah Myanmar- Kachin gal ah China in Myanmar panpih le KIA dual pah ding asak uh le, KIA na dual deklo in,

 " Irrawaddy Dam le Arakan Gas Pipeline pen ko Kachin Gam thukim loh in, cik mah hun in Myanmar-China in na tangtung sak zo kei ding uh hi" ci uh ahihmanin, China le Myanmar guta te'n lamdang sa phingphing ta uh ahihi.

 Myanmar a ding lah neksa thalawh hi in, China a ding lah nekloh buanloh suak dekdek ta ahihi. 


Tua ahihman a Myanmar Fascist Army sunga,  amuan penpen uh LID 88 le 99 zanga kuan uh ahihi.

Zomi gal expert khat in agenna ah " Brigade 4 nuai a campte pen Ceasefire Hiamkham 1994- 2011  aneih sung vua, Kachin nungak tangvalte tawldam nang  abawl sak uh hi a, tu'n kikap kikna ah Kawlte tampi asi aliam a om nangin, themvei adokik pak uh hi in, Kawlte tampi asih aliam khit ciang, Kawlte theihkhak loh camp nuam zawte ah hong kikhin khia ding uh a, tua pan hong vat kik ziahziah ding uh hi, tua pen Kawl Penglam te a ding azah 10 in lauhuai zawlai ding hi " ci in gen hi.

Zomi source khat pan kizak behna ah, Kawl galkap sunga singkhe singkhut ( Chituh Lettuh) bawl pawl zong manlah mahmah ta uh, ci in kiza hi. Kum 20 phialsung gal lianlua omlo ahihmanin giautau mahmah uh a, nungkum a kipan bel  khutong khetong galkap hong tam mahmah ahihmanin, tua department a semte zite  leh a lawmngaihte bang uh,   kham khi leh zungbulh khong kidem keei uh hi,  ci in Zomi tua department lam a sem khat in gen hi.