Myanmar gamkeek te'n Operation Storm panta

Message body

September 24, 2011 a Thuthang kizakna ah Myanmar Gammkeek te'n Kachin gambup lakzawh nangin Operation lianpite panta cih kiza hi. Nunglam sung deuh tengin Kachin Khawpi Laiza kiim a kidalna campte, asinna in buluh uh a guallel in nungkik kik uh hi. Ahihhangin tu'n Shangam a KIA Brigade No.4 Headquaters ni 3 sunga lazo ding ci in Division 2 tawh kuan leuleu uh ahihi.

KIA Brigade No.1 pen Shangam a Kachin Sub state kici  Kutkai Township sung Loikang a kibulphuh ahihi. Loikang pen Arakan pan a Kawlte Natural Gas guk khiat teng China a zuaknang pipeline in atawt khakna mun ahihi. 

KIA thupuilak Pu  Nang in " Brigade 4 hong sim uh pen China- Myanmar Gas Pipeline Project bei hen a cihna uh hi" ci in Media interview ah gen hi. Tua ban ah Brigade 4 pen bei tuanlo dinga guerrilla warfare tawh kilehvat kik ding hi, ci in gen beh hi.

Nunglam a SSA ( North) phualpi a buluh uh lawhsam dikdek a Myanmar Army zumhuai tak in nungkin ngei uh ahihmanin, tutung pen kinak thawi mahmah uh hihtuak hi.

Report kizakna ah Magwe uibu siksan LID. 88 le Myekthila uibu siksan LID 99 kigawm battalion 18 kuan uh hi, ci  Kachin News ah kigelh hi. Tua banah Reginal Military Commander ( Tainghmu)  te uksak lo in naypyitaw Aktai Khawpi pan direct in command hi, ci in kizak beh hi.

 Manje, Bang Hpik, Dima and Hophet khuate leh Loi Lem Bum mual ah kikapna nasiatak a omlai tak hi, ci in KIA Officer khat in gen hi. Ni masa nikikapna ah Kawlte 60 val liam in asi bel ki confirm theinailo kici hi.

Pangkhawm Hatna ( The Power of Fraternity) kici mipi lam a pang Kawlgalkap Blog i genna ah Kachin galkapte lam ah puankang silh te'n nungzuih in dohak mahmah hi, ci hi. Tua ban ah KIA in Shan State a Brigade 4 te huhna piak ding hamsa ahihmanin, Kachin State sung bup ah Counter Offensive ( Tanpian Htoosit / Galthuk) pankik uh a, Brigade 2 le Brigade 3 area te ah zong kikapna nasia mahmah ta cih kiza hi.

Zomi ulianlui khat in " OPERATION STORM acihtak mah bang un  OPERATION HUIHBUNG hong suak lel dinga, luang tampi abei khit ciangin guallel ding uh a,  USDP/MA sungah, khat le khat  nang hang hi, ci in hong ki ngawh ngeingai ding uh hi , honpi khat in  zakiat lawh leuleu pong ding uh hi, na en un" ci hi.

Reference

The Power of Fraternity
Kachin News Group