Khonumthung News September 16, 2011 i et leh, Zogam sung a om Chin State mipite ngah ding a kipia, UNDP le India huhnate a sumtang phazah ( Khuanin Leitang i gelh) News Article i muh ciangin, hong mulkim huai mahmah mawk hi.
Khonumthung a News Article ah, 2005 ciang zat ding UNDP budget pen Sang 260 ( Thein/Lakh 260 or Awn/Millions 26 siisee) hi, ci in kigelh hi. Tuahunlai in sumkhek pen 1200-1500 kikal hi napi 800 tawh kheksak uh hihtuak hi. Tua ahihmanin 33% pen Kawlmang guksak hi. acianlai teng zong kawl ngianvom ngiansan zang in sawk hem lai ding uh, ci in kigelh hi.
Tua huhna sum teng pen kihawm taktak hi leh, innkuan khat in 4,158,000 ( Thein 41 val) ta in tangzo ding hi,ci in kituatkhia thei hi. Tuateng koi ah kuan gumang hiam? cih pen tuni tan dotna lianpi khat ahihi. Abeisa enkik leng khaw khempeuh in UNDP huhna ngakim loh banah angah sunsunte'n zong, innkuan khat genloh khawkhat ah Lakh 40 val ngah omlo phial kici hi. Zomi te bangzah ta in hong ki deeksidawn hiam? cih pen theih huai mahmah ahihi.
Nungdeuh in zong India Government in Chin State Pilna le Cidamna lam huh nang in Dollar Lakh 60 hong pia leuleu hi. Tua pen Kawl sum in Awn 4440 tawh kituak hi, ahizongin Kawl USDP kumpi in Kyat 6.5 rate tawh khek in mipi nagh ding Awn 39 bek phasak ci hi. Pilna Mual nai tuaklo hi.
Nunga Chin State USDP meeting khat ah tua Awn 39 lak pan atamzaw, USDP fund ding in guk sawm uh ci in, report kiza ahihi.
Kawl USDP te'n Zomi mipite pen " Myaukpyah San Taung" Zawngno lam sak leklek a, mite kiang pan buhtang ngen ( Zawng nek ding cipong) tawh kibang hi.
Tulai tak Kawl galkapmangte zi le zinote in, US Dollar vive zang in shopping pai keei uh kici hi.
Nunglam deuh in UNO in Kawlmang Hausa gam sung ah Chin State azawng angau pen hi, ci in leitungbup theih dingin hong selpho laidep uh hi.
Khami akisa mawhlo khat in bel " Kawlmangte pen, i deeksi dawn ngiat dinga pasian in thuneihna apiak hi in, i si gai phial zongin phamawh lo hi, na deeksi uh dawh dihdeh in na dawnkang sak lel un, vangam tung baih zaw ding na hi uh maw! " ci in Vangam Lamdot (Short Cut) daan in genin a thu heikhia samsam kici hi.
Zomi meigong pitek khat ta leuleu in bel, hih thu teng azak ciangin " Lawmlawm ta zen aw mataw, simlei a kapiang kisik ing " ci in "tamlo" hihtuak hi.
(Khawnumthung News Article simna pan hong suak sawn lungsimte kigelh ahihi.)
1 comment:
I could care less what it looks like. If the price is under 15k and the build quality is up to par, then I would buy this. I like the idea of an all electric vehicle to get me back and forth to work, but I am not willing to pay 25k+ for an economy class car, like most of the EV's out there now.
Post a Comment