Shan gam Khesi Township sunga om SSA/ SSPP te phualpi ahi Wanhai phualpi, ni 3 sunga buluh zo ding ci a Kawl te'n agenkholh uh pen, lohsam in tuni tan lazo lo uh ahihmanin, Lt.General Aung Than Htut le Middle East Commander tegel kitawldam sak cih kiza hi.
Shangam a Military Command 4 i lulok ahi Lt. Gen. Aung Than Htut in, Shan phualpi ni 3 sung a ka la ding ci in kam dimdim in gen a, Khesi Township ah amahmah vapai in gal mapi vasem a, Shan phualpi buluh uh hihtuak hi. Ni 3 sunga zo ding cih thadah, akha (months) in sawt a, asi aliam tampi a om banah, Shan te'n leh um kik ahihmanin MIG 29 na nangawn huhna ngen uh a Kawl operation guallel ahihi.
Tua huhau in Penglam Aung Than Htut pen Lashio ah kitawldam sak in, Middle East Commander pa pen kitawpsak hih tuak hi.
Tulai tak Myanmar Army- M.A ( B.A pan zakhang) in operation thak bawl kik zo pak nawnlo in, uital banga aliamma uh aliakliak laitak kici hi. Operation bawlkik genloh Kokang gam ah gal hong om kik ding patau mahmah uh kici hi. Nungkhalam in Wagam le Kokang gamgi a Chin Shwe Haw leipi kikap tan kici hi.
Zomi galkap lui putek khat in " " Kawlgalkap ah kua mah lut nawn kei un, a lut sa te zong tawp un, na tawp thei kei uh leh hunlem en unlaKIA, KNU , DKBA , NMSP, SSA le ZIA khong ah taisim un, Kawlgam galkap te'n gal lel ta ding hi" ci in Zomi khangthak te thu vaikhak hi.
No comments:
Post a Comment