Kachin gam Myitkyina khawpi le KIA khawpi kikal a, Namsan Yang ( Namsan Zang) a Mynmar Army camp 3 lak ah khat pen, KIA in zanni (Monday) in haltuam sak cih kiza hi.
Kachin thuthang in a genna ah Namsan Yang a M.A camp 3 om lak ah, a camp 3 vua Penglamte omkim ngam nawnlo in, camp 2 ah kigawm tiltul uh hihtuak hi. KIA in tua thu azak phet in Mynanmar Army "uibu" awng pen na haltum sak uh hi, ci in kigelh hi. Khawmi khat in zong tua khawkhung a Lazing Kawng mualtunga camp khat ah, a building teng vut le vai suak takpi mah hi, ci in gen hi.
Tua camp pen Myitkyina- Laiza motor lampi tung ah om hi in, zinsuk vakto khualzinmite sum le pai, van le gan te a sutsak zelna uh camp khat kici hi. Tua bek thamlo in numeite bang thusit ding ci a camp sungah buan thei zel uh hihtuak hi.
June 9 ni a Myanmar Gamkeek te'n Kachin gam abuluhna vua kipan,Kachingam le Kawlgam kikal ah gal hong kipan ahihi.KIA in ut in ut ta kei le uh, Kachin gam sila suahloh nang a, si-le-nai, khaw-ul thathang hong suahkhia uh ahihi.
Zomi nungak tampi in " Guai ei Zomi tangvalte mahmah bongsong thei lua, zum thei le uh hoih in teh, akipat ngam kei uh leh pasal teng i niik teeng sak ni in, numei teng in dokik mai ni, kawlgalkapte ki dawh dihdeh zo nawn ke'n teh, pasal te'n lah hong honkhia ngam tuak kei uh in, " ci in hang siasua uh hi..
Reference
Kachin News
No comments:
Post a Comment