Message body
Tulai tak a Kawl USDP te vaihawmna Myanmar kici gam pen, Christian le biakna tuamtuam te tung bawlsiatna ( Religious Persecution) ah a huaisia penpen gam 8 lak ah kihel hi, ci in kumsim a kisuah US State Department Report ah kigelh hi, ci in September 13 ni in America Awging(VOA) in puangkhia hi.
Country of Particular Concern- CPC Gam encikhuai diak 8 lak ah, M.A/USDP vaihawmna Myanmar zong kihel hihtuak hi. CPC ah Myanmar/Burma, China, Iran, Uzbekistan, Iritrea, Sudan, North Korea te kihel hihtuak hi.
Tua apautauh linglonghuai mahmah gam 8 te tawh kisai, Report bucing pen Tuesday ni a State Department i Report ah kicing tak in kuakua in en thei ta hi, ci in State Department pan Pu Michael Posner in gen hi.
Tua banah hih gam 8 te pen tutawm hilo in, biakna thu ah ahuaisiat uh sawt lua mahmah ta hi, ci in genbeh lai hi.
Myanmar USDP in Christian le biakna dangte Nero kumpipa tawh kibanga abawlsiatnate , akhawl theih nangin USA in nakpi in panla hi . ci in tua report ah kigelh hi.
Christian le Biakna tuamtuam te bawlsiatna akhol theih nang in 2008 kum a kipan US Congress palai Tom Lantos i puaklut "Tom Lantos Block Burmese Junta Anti- Democratic Efforts Act" kici tawh, Biakna kibawlsiatna akhol theih nang USA in pan kila hi, ci in Report ah kigelh hi.
Kawl te'n kum khat in Kachin gam pan suang eng ( Jade) US Dollar Million 3000 val man bang, gu khia in leitungah zuak zel uh hihtuak hi.
USA in Zogam le Kawlgam sunga Christian le biakna tuamtuamte akibawlsiat nawnloh nang deihna tawh, Kawl gutate suang-eng zuak kham ahihi. Tua ahihmanin Zomi akuamah peuh in USDP te suang-eng khong, USA ah zuaksak loh ding thupi hi. Tua banga zuaksakte in akha le a upna uh zuakzuakte a hihi. Tua bang a omlam na theihcian leh 911 ah report lecin christian upna akem adal hi pah na hihi, ci in Zomi law thei khat in gen hi..
Zomi tampi in " Thuamvum" ah Singlamteh hong dawkkik ni mahmah ngaklah huai hi, ci in khuisa kici hi.
Ref
Voice of America
No comments:
Post a Comment