Aw, i Zogam !

Tulai in director  Butcher Than Shwe leh Whisky Maung Aye, mintha Thein Sein te i Mitphial Guah ( Magic Rain) datsian aki lah laitak ahihmanin,  Zomi sungah zong  minam le gam maban ding tawh kisai ,   tuuk tu'n kuan cianga uiphuk,ukeng le keuhbek te hong ham khengkhang mah tawh kibangin,  Zogam Politics Luidung teng gamlum siaasuaa ahihi.

Tua banga ham khengkhang lak ah athu kilui le kikumte zui in thumeilet te hibang ciat ahihi.

A.ZNC Thusu'n

I pu ZNC lamte in thu hong lui uh a,

1. Aung San Su Kyi le Thein Sein kihona ah 2008 Constitution a party registerna pen NLD le akaih zatam teng awk nawnlo a , register kik theih nangin parliament ah puah ding, tua khit ciang mipi zak a tangko in NLD le Non Burman  teng in zong register nuam mahmah ta uh ci hi.

2. Tua banga register na ah Non Burman party teng in UNA min tawh register bawlnuam uh cih ahihi.

3.By Election om dinga tua ah NLD le alawm party teng zong  kiteelna lut in, Pingpei Parliament kah  liannliann ta ding cih ahihi.

2.Pro USDP lamte thusu'n 

Tulai a ZNC kici te'n Pary registration abawl kik uh sangin USDP mai-et in USDP lut le uh,  By Election ah zong zo thei zaw ding hi, tau bek thamloin USDP pen Kawlgalkap party hi zihziah ahihmanin vang zong nei zaw tham ding uh hi. ZNC min tawh kiteelna lut kik uh hi leh,  1990 lai banga ngah kik zo nawnlo ding   ci uh hi. Union ah thu i nei zo kei zong Chin state beek ah " Kuaak Kuaak " ci in hamzo sam ding hi hang ci uh hi.

3.WZC le third group te muhdaan

WZC le tangpi tangta lam zaw deuhte  kuppihna ah bel, ZNC party  1990 kum in mipite'n a kideihna hang pen "Zomi" cih i nomenclature le Zomi Cause abuai pih man uh hi in, Zomi akicih nawnloh nini uh le Zomi Cause anusiat nini uh pen, tangpi tangta te'n  support kulnawnlo ni hipah  ci uh hi. Tua banah Zomi tawh vote ngahte pen  Zomi lo tawhin vote ngah ding zong lam-et huailo ci uh hi.

Mipite Theih ding a kilawm thu laigilte,

1. By Election acih uh pen Kawmang  Hausa gambup ah kiteel kikna bawl ding cihna hilo hi. 2010 kiteelna pan hong piangkhiaMyanmar Government ah vuangyi, hluttaw Okkathah za ngahte pen MP( Hluttaw Kosale) pan akitawp uh kul  hi. Tualo a vuangyi  kilen theilo  hi. Tua MP tawpte mun awng teng ah Awnghu/Awngvang  Kiteelna (By Election) tawh kihu dim zel ahihi. Democracy gamte ah zong tua bang mah hi.

2.By Election ( Awnghu Kiteelna) bawl uh hi leh,  Union le State a minister ( Vuanji) teng mun teng bek a kitel ding ahihman un, muntam awng lualo ahihi. MP mun 100 ah 10% kiim khong bek ah kiteelna om ding hi.

3.Kiteelpina taktak pen 2015 ciang hipan hi.

4. Gunkhawm sak siah panin Union Minister ( Pyithaungsu Vuangyi) kuamah in ngahlo ahihmanin, Pyithaungsu Maesandah Nae ( Union Constituency) mun khat zong awnglo hi. Gunkhawm saksiah Zogam pan By Election tawh Pyithaung Su Hluttaw ah kuamah kitunglo ding cihna hi pah hi.

5.State (Pyine) Hluttaw ah bel mun 10 khong awng thei hi, ahihangin USDP in Kyutin Mae tawh kiteel zawh khit ciang zo ziau thei hi. 2010 kiteelna ah USDP hatlo ahihmanin, Hung Ngai heh mahmah a Zomi ulian Pu Suan Khan Thang bang tumpai zawzen hi. 2011 Awnghu Kiteelna ah bel Hung Ngai dual tuaklo hi. Banghanghiam cih leh Chin State Hluttaw ah USDP a tawmzaw hi in, tua pen dimh nuam mahmah uh hi.

Tulai thu om siaasuaa tawh kisai theihbaih dingin, a khilkhil a khenna leh thutak ( Reality) te taklat theih zahzah ki taklang ahihi.

Aisaante leh prophet te dot kullo a  kitheician mahmah khol khat bel,  USDP le NLD in 2008 Thukhun Tuh tawh hong semkhawm keek uh zongin

 " Vanman" bel hong kiamtuanlo ding  ahihi. ( A) Zawngte Mi suahzo tuanlo ding uh hi.