October 14, 2011 Saturday ni suntang pi 12:00 kiim in Zomi Independence Army in Myanmar Army a ding kipuak, nek le dawn annguai ding teng lamkal pan suksiat sak ci in kiza hi.
" Anntang ip 15, Bawngnawi bung 151, Be ip 3, sa le be bung 52 le cikhum ip 3 hi in, kipua zolo ahihmanin amun ah ka susia pah uh hi." ci in ZIA Officer Bo E.S Mang in phone tawh kidotna ah gen hi.
Karen gam Kawkareih township sunga Sonesee Myaing le Okaletha khua kikal hi in, mipi kiang pan report a kizak cianga ZIA, ABSDF le Karen lam pan lampii khat tawh ka va kuan uh ahihi, ci in ZIA officer in gen beh hi.
Tua bannah tutunga pen ZIA, Rakhine le ABSDF atamzaw tawh column kibawl hi in, dekte lam pan lamlak bek hong pia uh hi, ci in ZIA officer in thangah takin gen hi.
Karen News dotna DKBA Major San Aung in adawnkikna ah " Kawlgalkap te'n lamkal pan kipang ding cih azak uh ciang, lau uh a taimang san uh hi in teh" ci in gen hi.
ZIA lam pan kizakna ah tua convoy pen Kawl te'n cing ngam uh hi leh, kikapna zong om dinga, galvan zong kingah kha ding himah hi ven, poi mahmah ei, ci in October 16 ni zan in phone tawh kihona ah khuuisa hi.
ZIA pen Zomi suahtakna ngah nanga kiphuan hi in, tulai tak KNU, DKBA, ABSDF, ALA tawh pangkhawm a Kawlgalkapte dohuan uh ahihi, ci in ka za hi.
No comments:
Post a Comment