Tulai in Occupy Wall Street cih mipi lungphona pi khat New York City ah hong kipanin, zanni October 15 ni in, Leitung le USAsumbawlna tawh kisai aphualpi ahihi Kulh Lampi ( Wall Street) buluh uh hi. Wall Street a company nasem te'n acilin kawngtau (balcony) pan en in zahpih nuih pian uh hi, ahihhangin lungpho mipi te heh in kitomna violence them om a tua pan dawk ngam nawnlo uh hi.
Tu in ah Occupy Wall Street in leitungbup lawhta ahihi. O.W hong piangkhiatna ahang pen mizawng le mihau kikal kikhaihluatna hang ahihi. Leitung sumbawlna kiat Global Recession) hangin mi tampi tak in nasep khahsuah in beidonga om ahihi.
Leitung gam khempeuh phial ah nasem neilo tamlua ahihmanin, Company te kiphasak mahmah uh a, nasemmi te deeksi dawnna hun lemtang in zang uh ahihi. Tua banga mi nautangte hamsat thuaknate kikholkhol pen hong puakkham peetmah ahihi.
Tutunga leitung mipi te'n angawhna uh pen Governmentte le Corporate Huaiham tengin mipi deeksi dawn uh hi, cih ahihi.
Zomi, mualmi le kawl mipi pangkhawm a Naypyitaw Buluhna zong neihhun mahmah ta hihi, ci in mi tampi in thangah lawh mahmah cih kiza hi. 8888 makai taktak ahi Moe Thee Zun in " Eite'n zong "Occuypy Burma" cih thumeilet in nei dih ni, ci in gen hi.
Tutunga pen sihuup teng buluhna ahihmanin Occupy Naypyitaw cileng dik zaw kha ding ahihi. Arab Tuihualpi khit ciang tu'n gam khangtote lam pan Sihuupte bengna hong kipan leuleu ahihmanin kikhelnapi khat bel omom ta cih kilang mahmah ta kici hi.
No comments:
Post a Comment