Tulai Kawlte ( Adiakin Kawlgalkapte) patau mahmah uh cih pen i theih tek ahihi. Banghanghiam cih leh a Roadmap uh adeih uh banglo in, keenkia ding dinmun ah om ahihi.
Tua ahihmanin amau support pak thei ding mipi le kipawlnate tasam mahmah uh a, tuate muanpak dingin mitphial tampi lak ziahziah uh cih i theitek ahihi.
Tua ahih leh Myanmar Army lau taktak pen bang hiam? cih nakpi in i zong ciang in " Myanmarian National Platform" a kikhin khak ding alau mahmah uh na hihi. MNP cih ciangin Kawlte Ultungna Khuambulpite cileng kiletkhiallo ding ahihi.
Myanmar Army le Kawl tampite patauh taktak bang hiam cih pen, September 29, 2011 ni a suak Yangon Times a kigelh " Kumpi thak kha 6 sung nasepnate le Maha Idea te " cih Article sungah siangtak in kigelh ahihi. Hih article i deihna laigil teng enleng, Kawl te sim ding phadiak ding deihna tawh kigelh hi in, tulai tak a Thein Sein reform bawlna te alawhsam a leh National Platform ( Gam khuambul/ Amyothayay Athine) sia zo ding hi, ci in patau takpi in gelh ahihi.
Alaigelh pen Government Officer lian khat hi ci in Myanmar Army Infomation and Publicity Minister Kyaw San i Blog ah ki hemgen hi. Hih bang Article pen Kawlmang gov. nasem khat in genkhuan neilo a, hihbanga agelh pen Kumpi in agelhsak hi ding hi, tua ahihmanin hih article a kigelh thute pen lim tak a ngaihsun ciat ding ahihi, ci in Kyaw San blog in prophecy pia hi.
Tua National Platform acih uh pen bang hiam? cih nakpi a i suulkan hong kul ahihi.
Kawlmang hausa gam kikukna enleng Minampi 8 tawh kibawl hi in, Tua minampi 8 teng pen Kawlte'n ukcip uh ahihi. Kawl icihte pen akaikhawm le amungpi a ding zo taktak Myanmar Army bek om ahihi. Tua MA zong pen galkap ki-ukna tawh tungsiah pan thupiakna Order tawk kiuk hi in, nuaisiahte thu kilalo hetlo a tungsiah pan ki sukkhawh (Vertical) thuneihna ahihi. Tuni ciangciang Kawlmang Khan'sia adin zawhna pen tua hang bekbek hi, ci in Myanmar Army in muhna nei ahihi.
Tua ahihmanin Kawl Ultungna akip le asiat loh nang pen, Myanmar Army alaizang ah om ding, tua pen Aung San Suu Kyi le Party tuamtuam, Min Ko Naing le Sangnaupangte, Non Burman lak a Keuhbek ( Cronies/ Aludaw Yih) teng, Tayza, Steven Law le pangbel sumbawl teng ( Crony Businessmen) teng in akiimkot ah dai bang a cinga, Myanmar Army makaihna tawh reform bawl a, tua pan Kawl Ultungna kiamlo a, khantohna le leitung pompihna la ding cih ahihi.
Yangon Times a kigelh sungthu pen tua ahihi. Kawl Ultungna( Myanmarian Supremacy) pen Myanmar Army bekin guarantee piazo hi, tua dinga Myanmar Army le Thein Sein in pan kila hi, ci a NLD, ABSDF le Kawl ngiat teng indirect a hem a genna le Non Burman teng le Kawl mipi te kikal "Khetphim" khen a kinei zong hi nong uh hi.
Kawl Democrats le Activist lak ah zong Kawl Ultungna pen hi thei hi leh ut veve ciat uh ahihi.
Non Burman kipawlna lian ZIA, ZNC, ZRO, CNF UNFC le mualgam Galkapte, ZNC, UNA le mualgam partyte, LZI, GZA le non Burman civil society te'n liimtak ngaihsun a, politics tak a Do-thuk( Counter Offensive) kik theih ding kisam ahihi.
Tu a agen uh Myanmar National Plaform pen diklo le Kawlgam kitapkhap nang ahih zawklam pen, ei pansan tek pan athu le atha tawh lah ciat ding kisam ahihi.
Tua Myanmar Version " National Platform " acih uh pen them khong a point tawh enkhia leng,
1.Kawlte President hi den ding. Presidential Colledge 3 tengah amau atamaw hi den ding.
2.Innpi ( Pyidaungsu Hlutdaw) nangvalh ding. Upper le Lower House ah amau atamzaw hiden ding.
3.Non Burman State a leisung leipua sum piang teng, utut a sut thei tawntung ding.
4. Kawlpau tualleng sak a pianke'npau ( Mother Tonque) tawh Kawl te'n paunaal zawkna tawh, nisim-khawtual-nuntakna tuamtuam ( Social Stratas) ah atei zaw abang den ding.
5. Buddhist biakna le ngeina in gambuppi meipi-dup bang a atuamcip zawh nang.
6. Kumpi zaate ah Malaysia ah Malay te'n hamphatna akipiak tuam a, a ki-ultung sak daan vua aval akan a tungnungna theih nang.
7. Sumbawl paibawlna ah Union bup power amau buplakin tawi den in amau bek kiphungvuh a, Non Burman teng pen, amau mai-et le lukun den dinga koih theih nang.
Cih bang teng leh genzawhloh a Kawlte nung le nuai a i tuantual theihtheih nang vaihawm le lunggulh uh ahihi.
Atheihbaih dingin,
2. India a Hindu biakna hanga namniam ci a kiciamteh pong leh ganhing banga kisimmawh Dalit te dinmun bang.
3. China ah tanglai in numeite pen khedap neu bulhsakin, akhedawn uh khang theilo in akawng bek uh khangsak a, numei pen Sex Toys bangin azat daan vua, Non Burman Numei teng pen zawn le ngau hanga Kawlte la'nkam Sex Toys suaksak mang nuam uh hi.
4.Zaw'n le Ngau hanga Non Burman pasal teng pen 3D ( Difficult,Dangerous and Dirty) nasem ding a hong zatnop man uh ahihi.
5. Non Burman Culture pen beisak a Musium le Showroom ah koih in, Tourist te kiang pan sumbawlna in hong neinuam bek uh ahihi.
6. Atawpna ah Leitungah Kawlte sang ginalo zaw leh tuantual zaw minam om nawnlo ahihmanin alal amang, athang nang uh omlo a, tua lungsim gilkialna annvak nangin Non Burman minam te pen a tuantual zaw le nuihzak huai zaw daan a hong bawl sawm uh ahihi.
I sanggam Non Burman dang te'n gen kullo a , a Pianken Tanvo ( Birth Rights) uh sum le pai, tha le zung, pilna siamna, sisan naisan le khaw-ul khitui tawh ding pih uh ahihi.
Karen National Union camp pi khat bangah " Give me Freedom or Death " ci in alutna kongpi ah sign lianpi khat suangliang uh hi.
Tuni a gam le minam suakta tampite pen " Mi khempeuh kikimin pasian in bawl hi ( All men are created equal)" cih kammal tawh hong hangsan uh ahihi. Tua kammal pen Sawltak Paul in Greek gam Athens khuamite te kiang a agen Acts 17:26 a priciple kila ahihi. American Tapong te'n British te azawh ciangun Independence Tangkona ( Declaration of Independence) ah guang uh ahihi. Mivomte sila pan khahkhia Abraham Lincoln in Gettysburg Speech ah zong genkhia hi. Tua a kipan leitung gam tampite in suahtak nangin na lim zat mahmah uh a, hong makhelh khinta uh ahihi.
Ei Zomi te'n zong khat i phak leh i phak, 10 i phak le phak, 100 i phak le phak, tul i phak le phak, tulsawm tulza i phak leh phak, i phak zahzah tawh pasian hong piak pianken hamphatna te tolhlo in dingpih ding hi hang, ci in pasian min tawh i ki zawn hi.
No comments:
Post a Comment