Zomi le Myanmar 15 vei kikap ta

Thuthang kizakna ah September 15 ni a kipan October 1, 2011 kikal sungin Zomi Independence Army leh Myanmar Army 15 vei kikap ta cih kiza ahihi.

ZIA pen KNU, DKBA, ABSDF le Arakan galkapte tawh pangkhawm hi a, Karen gam Myawaddy, Kawkareih le Hlaingbwe township sung ah gamtang hi, ci in kiza hi.

Hih kikapna sungah Myanmar Army 10 si in 20 val liam ci in kiza hi. ZIA lam pasian huhna tawh asi aliam kuamah omloin, kithuahpi DKBA pan Karen galkap 2 si in 3 liam ci in, kiza hi. KNU khat zong liam cih kiza hi.

Thuthang kizakna ah ZIA, DKBA Kalohtoobaw Column, KNU/KNLA  Bn.201 le Myanmar Army a Col. Ye Min makaih Tactical Command ( Byuha) khat tawh ki balsialnuai uh hihtuak hi.

Thuthang kizak behna ah Karen gal makai Brigadier Saw Lar Pwe ( Mukmul) in " Mipi le mipi van peuhmah sutlo ding, susia loding, tua palsat peuhmah kidawmlo ding hi" ci in Order suaksak ci in, Zomi galkap khat in gen ahihi.

Tu kal 2 sung kikapna ah Zomi galkapte asi aliam kuamah omlo ahihmanin, i biak pasian min i phat ahihi. ZIA galkap te'n ni khat a atawm pen khatvei ta Pasian Biak Piakna nei dingin tungsiah pan Order om ci in zong kiza hi.