Australia government in refugee taktak a pomloh Afgan minam Ismail Mirza Jan (27) pen zingciang 11/19/2011 ( Saturday) in Afganistan puakkik ta ding ci in BBC World Servive in gen hi.
Amah pen Afgan Refugee kipuakkik ding lakah amasa pen hi in, January,2011 a Afganistan le Australia kihona tungtawn a hi thu hong piangkhia ahihi.
 |
| Ismail Mirza Jan kikhumna Villawood Detention Centre |
Mr. Jan in Afganistan ah innkuan tanau kuamah aneih nawnloh banah, Afgan a Hazara citawm (minority ) minam ahihmanin Taliban te'n bawlsia ding hi, ci in gen hi.
Mr. Jan in UK le Ireland ah asylum a kipiakloh ciangin 2001 kumin Australia vanleng tawh pai a, belhkhuan ngen ahihi.
Amah pen tulaitak Sydney khawpi a Viilawood kulh ah kikem hi.
Australian Immigration ten bel amah pen agam aciah hangin bangmah lauhuai nawnlo ding ci uh hi. Australia ah belhkhuan ngen lak ah Afgan minamte tam pen ci hi.
Tukum 2011 kipat a kipan Australia le Afgannistan government te'n Refugee ki rejecte puakkik dingin kithukim uh hi. Refugee te ut leh utloh hilo in aana ( Involuntary Repatriation) tawh puakkik ding cih ahihi.
Myanmar Army in zong amau ginatlohna dawk sak suak ahihmanin, lamkal a om lai Zomi refugee te Malaysia, India leh Thailand te'n thagum tawh apuakkik theih nangin, lampi om khempeuh zangin panla ci in kiza hi. Tuabang mun ah Zomi khenkhat leh kipawlna khenkhat nakpi in zang uh ci in kiza hi.
No comments:
Post a Comment