Thuthang kizakna ah maikaal monday ni a kipan mipi lungphona kipan ding ci in kiza hi.
Mipite lau ahihmanin biakna nasem te'n gal-et theilo in nungkal pan hong kipanto litlit hi.
Tutunga so litlit hong puakhamna pen Kalaymyo Jail a om, Than Shwe-Thein Sein kumpi bawlsiat hang a sidek phialta ahi Buddist Pastor (Monk) Gambira pen anu tawh kimu khuan pialo in, anu avahawh laitak Jail dangah puak uh a tua thu azak vua kipan, Buddhist Biakna nasemte puakkham uh ahihi.
November 17 ni a Freedom News ah Mandalay khawpi Buddhist Laisiangtho sang khempeuh a dak leh khuang khempeuh kitum in, sun 12 a kipan Kawlmang tungah lungphona pan uh ci hi.
Lungpho lam zuihna taktak pen Monday ni ciang kipan ding hi. Mipi zong azui dingin kigingkhol ci in kiza hi.
Tutung lungphona ah,
1. Zuauthu tawh ngawh a Kawlmang khumcip thudik deih mite khahkhiat ding.
2. Kawl leh Kawllo gam 7 te kikal kikapna khawl a kilemna ding.
Cih thu bulphuhpi 2 tangko pih sawm uh hi, ci in Freedom News Group in gelh hi.
Tutung a makai Siampu U Kawmalah in " Jail kiate lah khah gailo, Aung San Suu Kyi lah molhtum a zangin Malaysia miginalo Mahatir Mohamad khemsak uh hi, tua ahihmanin i dinmun pen piang nawn mahmah lo ahihman a, kuankhiat hong kul hi" ci in gen hi.
No comments:
Post a Comment