November 7,2011 ni ciangin Zomi Independence Army tawh kithuahkhawm ahi DKBA in Myanmar Army tawh kikap khawlna Hiamkham (Ceasefire) nei ding cih kiza hi.
" DKBA makai te'n hong genna ah DKBA leh Myanmar Army Hiamkham (Ceasefire) hangin DKBA tawh kithuah ZIA, ABSDF le pawldangte a dingin bangmah buaihuailo ding ahihi." ci in ZIA officer Bo Kim in gen hi.
DKBA thupulak Major San Aung in zong " Hih kihona pan ngah ding bangmah omlo hi, kiho nuam kei ung, cileng lah migilo hong suaksak ding ahihciang vua, a hopih pong bek hi ung" ci hi.
DKBA bangmah in pawl tuamtuam te hopih kawikawi uha KIA,SSA,KNU te zong hopih uh ci in kiza hi.
Kachin Independence Army thu pulak Pu Nang in bel " Tusawng teng UNO palai, US palai le zin tuamtuam nei uh a, tuate kiang ah lak ding neilo uh ahih cianga, ceasefire hong tah samsam hi lel hi" ci in gen hi.
ZIA officer pa kiang pan kizakbehna ah ZIA in bel MyanmarArmy tawh kiho ding lunglut lo hi, ci in gen hi. Ahizongin ceasefire hun sung pen galkap behlap nang leh kisinna hunin kizang thei ding ahihmanin, lem bilbel ci uh hi.
2 comments:
ZIA te hong tha hat mahmah un, Zomi adin na nasep na te uh ah, ih Biak Topa'n hong gual zawh pih den to to ta hen!!!!!!!!!!!!
ZIA officer pa' hun zat hun zel siam tuak mahmah ei' (ZIA officer pa kiang pan kizakbehna ah ZIA in bel Myanmar Army tawh kiho ding lunglut lo hi, ci in gen hi. Ahizongin ceasefire hun sung pen galkap behlap nang leh kisinna hunin kizang thei ding ahihmanin, lem bilbel ci uh hi.
hih bang aa om zawh na pen , ih ZOMI cih pen,kawl te ki uk na sung ut nawn kei ung! ah ci ci ta hi hang!
Post a Comment