Zomi te'n zong i theihsa mah bangin ahunhunin minam le gam a ding nasepna tatsatlo in kinei tawntung hi. Abeisa saupi enlo in tunai a eite khang sunga thupiang teng en pak dih ni.
1.8888 huhau in Zomi sangnaupang tampi minam nasem dingin hong kipan uh a, ZSU min tawh BDF, ZNC, ZORO, MPC te tawh kipawl in semkhawm uh a, ahizongin ZORO in local election ah lutsan le hamsatna tuamtuam hangin lawhsam hi.
2.1998 kum ciangin sangnaupang le khangno 50 hong kipan in ZRO tawh kum tampi semkhawm khit ciangin, ZRO in Local Election buaipihna leh Local Autonomy deihna tawh hong khawlsan leuleu hi.
3.2010 Ciangin leitungbup a lunglut teng kikaikhawm kik in World Zomi Congress kiphuan a, mi tuantual, genhak leh nasem taktak nuamlo teng tawh kipawl nawnlo in kituam ding ta ahihi.
4.2011 kum ciangin ZIA kiphuanin gal taktak nei ngamlo teng ki nusia leuleu hi.
Hihbanga kalsuannate ah ZIA in kipankik cil hihna leh ki hatnailo ahihna tawh DKBA le pawl tuamtuam tawh kizui khawm phot ahihi.
Kamsiathuai ci ding i hiam, kam phathuai ci ding i hiam, kipawlpih DKBA pawl in Ceasefire hong laksan leuleu hi. ZIA bel bangmah nawngkaina omlo ding cih kamciam hong pia uh ahihi.
Bangbang hi ta leh tawl khat sung bel galte kikap theilo ding hong suak ahihi.
Kawlgalkapte tawh kiho ding cih ciang a lah, zan deuh a kipan pan i hih ban ah, hatzo nailo i hih cianga kiho leng zong, gam le minam a ding phatuam lua kibawlzo nailo ding ahihi.
Tua ahihmanin maban pai daan ding tawh kisai, mipi lak pan a lunglut te'n ngaihsutna hong sung dingin, i ki zawn hi. ZIA in pai daan ding geelkholh sa khat bel nei khin hi. Ahizongin gam le minam vai cih pen mipi a hizaw ahihmanin, mipi ngaihsut piaknate manpha takin kila dinga, final decision ah kiguang ding ahihi.
Vested Interest nei a advice le suggestion kipiate sangin, mipi taktak ngaihsutnate ki thulak zaw ding hi. Tua ahihmanin mipi taktak te'n idea niamlua sanglua cih omlo in, i ngaihsunnate hong sung ciat dih un, i ci hi.
No comments:
Post a Comment