ZIA, DKBA leh MA Ceasefire tungtang

Tulai in ZIA tawh kithuahkhawm DKBA pawl in Myanmar Army-MA tawh Hiamkham aneih thu i za ciat hi.

 November 4,2011 a Myanmarian Thuthangbu Kyemon ah anuai a bangin Kawlmang in gelh uh hi.

Kawl sawltak Karen State palai pawl leh  DKBA November 3 ni in Pha-ann khawpi ah kihona omin, alangnih tuak in thukimna 5 khutpi mekkhawm thei uh hi, ci in ki gelh hi.

Kawl sawltangzang in Col.Aung Lwin le mi 4, DKBA lam pan Pu Moshi le 4 kihelin,

1. Karen State sungah Myanmar Army leh DKBA tuahtauhna ah kikap pen khol tuak ding.

2.Tua Hiamkham sungin DKBA pawl pen Sonesea Myaing kiim ah suakta tak a om thei ding.

3. Langnih kizopna abaih nangin Myawaddy Khawpi ah DKBA kizopna zum ( Liaison Office)  koih ding.

4.Hiamkham sungin Myanmar Army le DKBA te'n,  khat leh khat kikal gam kantan a thautawi khuan omlo ding.(DKBA uksung ah Kawlgalkapte thautawi a khualzin gamvak theilo ding.)

5.Kawlmang Phualpi Pyinmanar palaite leh  DKBA phualpi makai General Saw Lapwe te alempen hun khat ciang, alempen mun ah kihona nei ding. Tua kihona pan Kawl le Karen kikal abucing kilemna, khantohna, galkapte mabante genkhawm ding.

Cih thu 5 teng khutpi mekkhawmin November 6,2011 ni a kipan hiamkham (ceasefire) kipanta ci in Kyemon kawlgalkap thuthang ah kigelh hi.

DKBA thupulak Major San Aung in bel " Hih Hiamkham pan agahkhia ding bangmah omlo hi, kilem in maban genkhawm sakhawm ni hong ci uh a, ut keileng migilo hong suaksak ding uh a, Hiamkham ah khutpi mek bek hi ung" ci in media ah gen hi.

Hih Hiamkham sungin ZIA te bangmah nawngkaina omlo in, suakta takin om thei ding ci in kiza hi. Belpawl khawm ahihna tawh kituakin, tuni dong mah asuk ato ah kizui khawmin, ZIA lakpan Nahtang Umm ( RPG 7 Rocket Launcher/ Rambo Nahtang Umm) len  Zomi hangsan Tg. Dal Khai  bang peuhmah, Major San Aung tawh  unau bangin kizui uh ci hi. Atangpi 4 tawh kipuakhawm hi in gik gihgiah veve ei, ci hihtuak hi.

WZC in bel DKBA leh MA hiamkham thukimpih mahmah a, ahizongin ZIA min tawh kihona bel neih nailoh dingin hoihsa,ci in  Sunday,November7,2011 ni in thu khensat ci  hi.