Health Department te'n siangthona leh cidamna tawh kituak salo a a khaksak uh, Chelsea khua Hana Sushi restaurant pen anei te'n avek a puahthak (Renovate) kik ding ci in kiza hi.
Health Department te'n innlawi, sushi vante khawvot ( Tempreture) koih zah dinga koihlohna leh annte a niing loh nanga kep loh hangin, Hana Sushi Restayrant pen November 21 in khaksak uh ci hi.
1999 kum a kipan akihong Hana Sushi sai pen, sushi kiman ahihmanin tua khua ah minthang mahmah ci hi. Sai nei pa in agenna ah nasem ginalo teng khawlsak ta in, tu'n asai sung uh nakpi in puahsan laitak uh, ci in media te gen hi.
Restaurant neipa leh nasemte genna ah innlawi leh ganhingno tuamtuam te , kal 2 khatvei ta zatui akitheh hangin bei zo taktak lo ci uh hi. Tua banah innsapna (Landlord) in tui pipe sia khat puah nuamlo niloh ahihmanin, tua pan zusa te hong lutlut hi, ci in kisiam tan uh hi.
Hana Sushi restaurant in Health Department te thukhun 8 vei palsat khin ci hi. Kumpilam te'n khatvei palsat bek le uh zong a ut uh leh restaurant khatpeuh khaksak ziauziau thei hi ci in media te'n gelh uh hi. Zomi Sushi sai nei thakte kidophuai mahmah hi, ci in Zomi Sushi Guru khat in gen hi.
No comments:
Post a Comment