Rachel le Matt Munsell kici nupa kop in akiteng zawh uh kha 11 aphak June, 2011 in Sasemhna ( Poultry Processing Plant) khat Fowlerville, Nothwest Howell kicihna mun ah phuankhia uh hi. Tua sasemhna panin Ak, Vatawt, Vamim, Vatawt ngawngsau ( Geese ) leh Bilpi te semh ziahziah uh ci hi.
Sumbul USD 180,000 tawh kipan uh a, ni khat in 300 pan 500 go in semh uh in mi 14 nasem nei uh ci hi.
" Ka State sung vuah hibang nasem pen tawm mahmah in, kician tak a a sem ding kisam hi ci'n Rachel 24 in gen hi.
A company min uh pen Munsells Poultry Processing cih min phuak uh a, Tyson company banah 4-H leh Future Farmers of America group te tawh zong kizom hi.
Vasa khat semh pen minute 5 khong sawt in, tuikhal ah minute 15-20 sawt in, luang khat ciang dollar 3 leh semhnen man dollar 1 tawh ka zuakkhia uh hi, ci in Munsell in gen hi.
Rachel in agenna ah " Khangthak gankhawi nuam leh sasemh nuam tam nawnlo ahihmanin, hih nasepna pen maban limci mawhlo hi, ni khat nai 24, kal khat ni 7 nasep himawk ahihmanin, kuamah in semnuam phalo hi. Nuntakna bup pen nasep ah phum kul ci hi.
Munsell in " Khawlmai ding ka hiam ? ci in tamveipi ka lung akiat hangin, mi khutnuai a nasep sangin suahtakna om ka sa zaw veve hi, tua ahihmanin anungciangin damdamin tha kangah kik hi, ci in gen hi.
Zomi bawng semh, vok semh le ak semh bel om in, vasa semh bel kiza kha nailo hi.
No comments:
Post a Comment