Reuters thuthang ah US galkaplui 850,000 te nasep ngah theih nangin US House of Representatives in vote 422-0 tawh khensat uh ci in November 16,2011 ni in kiza hi. Senate ah zong khat bek in dal cih kiza hi.
Reuters in agenzomna ah hih Jobs Bill ah US galkaplui 850000 te nasep pia a om leh tua company tungah siah tawm kaih ding ci hi. Tua banah galkapluite nasep kisina ( Job Training Programs) lam ah zong sumzat kibehlap sak ding ci hi.
Afganistan leh Iraq gal beikuanta ahihmanin mai kum 5 sungah galkap 1,000,000 tawlnga ding uh a, tua galkap tawlngate a ding zong phatuam pah ding ci hi.
Tulaitak US ah mi 100 ah 9 in nasep neilo a akigawmin awn 14 phazo ci hi.
Obama in gambup nasep pungsak nangin Congress ah Billion 447 ngen a tua pen Republican lamin thukimpihlo ahihmanin, Congress ( Parliament/Hluttaw) thukim pih masiah kizang theilo suak ahihi.
Tutunga paltanluite nasep bel party nihte kithukim thei bilbel uh ahihi.
Obama i Bn 447 thusun kipom hi leh Construction lam ah nakpi kizang dinga, mipi nasep neilo tampi in zong nasep ngahlawh ding ci a lamen uh ahihi. Tutunga Paltanlui Bill in bel gambup nasep buaina themcik bek dawnzo ding ci hi.
Kawl Minam tunitan dinmun ah hong dingzawh nangvua hinna, sisan le khaw-ul tampi suahkhia Zomi galkaplui tampi bel tulaitak Zogam ah puuksi dek phial in om uh ahihi.
No comments:
Post a Comment