88 pawl khem zolo

 Thudik panpih ngam hanga mat le hen tuak thongkia teng, akikhah siang masiah 2011 kiteelnano ka lut kei ding uh hi, ci in Kawl politic laigil taktak ahihi 88 sangnaupang pawl in puangkhia ta uh hi.

December 5, 2011 ni a thusuah ah sangnaupang makaite leh mualgam makaite khah gailo uh ahihimanin, 2011 kiteelnano ( By election) ka lut kei ding uh hi, ci in 88 Generation Students pawlin gen hi. Ahizongin mimal a kihelkha aom leh bel sia hi, pha hi ci'n muh daan ka pulakna ka nei  kei ding uh ci hi.

88 sangnaupang pawl pen 2005 kumin 8888 mipi lungphona a makai sangnaupang makaite tawh kiphuankhia hi, Kawl kumpi in akihtak pen uh kipawlna khat ahihmanin, 2007 ciang amakaipi Min Ko Naing kihelin, makai tam zaw tuni tan mancip ahihi. Tulaitak 88 makai 26 kawl galkap kumpi in khumcip lai cih kiza hi.

88 pawlin kiteelna alutloh ding uh hangin, Aung San Su Kyi tepawl lut ding bel "pha" kasa uh ci hi. Tuabek thamlo in akisap leh ka huh ding uh ci in pulak uh hi.

Pu Soe Tun in " Hih thu pen khumcip a om seppih sanggam te hong suahtak cianga, genkhawm pan ding thu tepawl hi, mi khat bek khong i khensat zezeuh ding hilo hi" ci in Mizzima Media te kiang gen hi.

Tulaitak  Kawlgalkap te thongsungah Shan makai Pu Khun Tun Oo leh Pu Sai Nyunt Lwin, 88 makai Min Ko Naing le aseppih teng gawt le khumcip in om lai uh ahihi. Zomi sung pan zong Pu Kam Lam Khup tepawl khumcip in omlai cih kiza hi.

88 pawl pen Kawl politics ah laigil hi in, tu a Pi Aung San Su Kyi leh NLD  putek pitek teng zalaih dingte uh ahihi. 

Reference :

Mizzima
Tongsan