Kawl Buddha te'n Kachin Christian dongtuakte huh

Karen Information Centre pulakna ah  Mandalay khawpi a Kawl kipawlna 11 kigawm te'n,  Kachin   dongtuak naupangte December 4, 2011 ni in huhna vapia uh cih kiza hi.

Tua Mandalay a Kawl kipawlna 11 in " Naupang iit pawl" cih khat bawlkhia uh a, Buddhist Bisshop ( Sayadaw) khat makaihna tawh huhna pia dingin Kachin gam kuan sak uh hi,  ci'n akihelkha Pu Ye Yint Kyaw in Karen Information Centre te kiangah gen hi.

Tua banah " Kachin gam ah kikapna mun khempeuh ah om ahihmanin mipi galtai uh a, omna ding mun le mual akicing loh banah, neektawm ding nangawn hamsa in, numei naupang bek zong hilo, picing nanagwn in dongtuak kha uh hi" ci in Pu Ye Yint Kyaw in genbeh lai hi.

Mandalay Kawl Naupang iit Pawlin anntang ip 100, puanza, puansilh le niikten, naupang kimawlna leh sumtang Ks 1.2 million piakhia uh cih kiza hi.

HIh Kawl Buddhist pawl i huhna tawh kisai, Kachin Women Association-KWA  pan Pi Shelly Seng in " Phalbi daaitui nuai a galbu, Kachin naupangte leh galtai khempeuh , hibanga hong huh uh pen ka lung uh dam mahmah hi" ci in pulak hi.

Hih Kawl kipawlna 11 in nidangin amau kawlgam sunga, tuikhang dongtuakte cih bang khong bek huh uh a, Kawlgam pua a gal omna munte ah huhna apiak uh masak penna a hihi.  Kachin gam bek hilo in Karen le Shan gam ah zong kuan dingin geelna nei uh cih kiza hi.

Gal om leh mipi te'n  dongtuak thei  cih pen, pawl 11 te'n mukhiatna kineita ahihmanin, Galbei a Kilemna a om theih nang zong panlak akul lam phawk ta hi ung, ci in pawl 11 te'n amuhna uh genkhia hi.

Naupang iit Pawl pen Buddhist Bishop ( Reverant ) 4 lusuan a, pawl 11 te'n a phuhkhiat uh ahihi.

Tulaitak Kachin dongtuak 50000 lak ah naupang 2000 val sangkah theilo in om hi, ci in Kachin Women Association in pulak hi.

" Kawl hoih leh Kawl hoih lo ( Bamar Su leh Bamar Kaung), Buddhist hoih leh Buddhist hoihlo ( Buddha Su leh Buddha Kaung)  zong na om aivele maw, ci in Zomi innnupi khat in lamdang sa mahmah hi.Zomi bel i minam bup a Zomi hoih ( Zomi Kaung)  hih ding deihhuai veh aw, ci in innpapi khat in zong alunggulhna gen hi.

Refernce

 KIC

Facebook