San Francisco pan Kachin huhna USD 10,000 val

Source:
Moemakha
KRRF

Thuthang kizakna ah San Francisco ah Kachin kipawlna 3 makaih in, Kachin numei naupangte dongtuak thu, mipite theih nang leh panpih theih ding ngimna tawh, Fund zo'n vanzuak pawi  khat Little Theater  Hall ah December 17, 2011 ni in om cih kiza hi.

Courtesy: Moemakha

Tua Fund zongna panin akigawmin USD 10149 ngahkhia uh a, tua lak ah nek le dawn pan 5234, a sumtang in 1915, Biakinnte pan 3000 kingah khia ci hi.  mipi te'n hi banga tha hong piak uh pen ka lung uh dam mahmah hi, ci in a vaihawm te'n gen uh hi.

Hih list pen December 19 ni tan hi in, kidawng to lai ding ci in kiza hi.

Tutunga a pen San Francisco Kachin Baptist Church, Kachin Heritage Foundation leh Free Kachin Campaign te innteekna tawk  kibawl ci in kiza hi.

Asumngah teng uh pen Relief Action Network for IDP and Refugee- RANIR ah piakhia uh ci hi. RANIR pen kipawlna 12 siksan a kibawl hi in member te anuai bang hi..

1.  Kachin Civil Society Coordination Team ( KCSCT )
2. Kachin Development Group ( KDG, Laiza Youth)
3. Wunpawng Ninghtoi ( BRIDGE, Life Vision Foundation, E Div KWA, Mai Ja Yang Catholic and Baptist Church)
4. Kachin Youth Organization ( KYO)
5. Kachin Relief and Development Committee ( KRDG-KIO)
6. IDP and Refugee Relief Committee ( IRRC- KIO)
7. Health Department ( KIO)
8. Kachin Women Association Thailand ( KWAT)
9. Kachin Women's Association ( KWA)
10. Catholic Church ( Laiza, KIO  Headquaters City )
11. Kachin Baptist Church ( Laiza, KIO  Headquaters City )
12. INGO ( Health Related)

World Zomi Congress panlakna ahi Kachin Relief and Refugee Committe in bel tukum sung dawng lai dinga, maikum kipatlam a khakkhia ta ding cih KRRC thunei khat kiang pan kiza hi.