Shan State Army leh Kawlgam kihona ah Kawl te'n " Union pan inntuan lo ding " cih thu a kalh vua leh, khutpi meklo dingin Shan khangno te'n SSA te kiangah ngetna lai khak uh ci in, December 28, 2011 ni a suak Shan Herald Agency for News -S.H.A.N ah kigelh hi.
" RCSS leh SSPP te kiangah minam dangte banga, inntuanlo ding cih kamciam pia pah lo ding a ka hanthawn uh hi, hih lai pen amau kiangah zan ni in ka pia khin zo uh hi." ci in Lashio khangno Sai Hat khey in S.H.A.N thuthang te kiang gen hi.
 |
| Photo Courtesy: www.Shanland.org |
သၽွမ္းလူငယ္မ်ားေတြ႕ဆုံပြဲ
Shan khangno te Open Letter nimit December 26, 2011 pen Thailand gam Maesai a teng khangno khat in SSA palai kiangah pia ahihi.
SSA thupulak Major Sai Lao Seng in " Inntuan leh belpawl ding cih thu pen Shan State Army bek i khensat ziau theih hilo a, mipi tawh khensat khawm ding hi zaw hi, inntuan leh belpawl thu pen Kawlgam vaihawmte lungsim ah kinga zaw hi." ci in gen hi.
Union pan inntuan loh ding cih pen nupa kitengnalai tawh kibang hi, khat zawzaw aginat kei a leh kikhen theih lel hi, ci in Shan activist Sai Khun in gen hi.
Tulai tak Shan gam ah RCSS/SSA leh SSPP/SSA cih Shan thudik deih pawl nih om ahihi. RCSS/SSA pen SSA ( South) zong kici a simlam ah gamtang uh hi. SSPP/SSA pen SSA ( North) zong kici a Mallam ah gamtang uh hi. Nunglam deuh in SSA( South) leh SSA ( North) pawlkhat kisuah in galkap min SSA zangkhawm uh hi. Political Wing ahi RCSS leh SSPP bel gawmkhawm nailo uh ahihi.
Shan State Army leh Zomi Independence Army zong kizopna kician mahmah nei ta uh cih kiza hi.
Hih lai pen Shan Youth Power te innteekna tawh kibawl Shan Youth Exchange cih khangno khawmpi pan hong piangkhia ci'n kiza hi.
RCSS- Restoration Council of Shan State
SSPP- Shan State Progressive Party
SSA- Shan State Army
Reference
Shan Herald Agency for News
Zomi Independence Army
No comments:
Post a Comment