Mon makai in hiamkham bawllo ding ci

 Mon  troops celebrate the 63rd anniversary of Mon National Day in Palanjapan Village near Three Pagodas Pass on January 30, 2010. (Photo: The Irrawaddy)

Mon makaipi Pu Htaw Mon in New Mon State Party te'n Myanmar Army tawh Hiamkham  Thuciam (Ceasefire Agreement) kabawl kei ding uh hi, tutunga Hiamkham Thuciam kibawlte panin,  gam le lei maban atwh kisai, ngah khiat ding bangmah omlo cih thu genkhia, ci in Irrawaddy News ( English Version) ah January 23, 2012 ni in kigelh hi.

Hih Mon makaipa thugen pen, Karen National Union leh Shan State Army te'n, Hiamkham khutpi amek zaw uh asawtlo a hong puangkhiat ahihi.

' Kum 15 sung vingveng Kawl tawh Hiamkham ka neih uh hangin, Gamthu genkhawmna (Political Dialoque) taktak khat vei zong om lo hi.' ci in Pu Htaw Mon in gen hi.

 Kum 15 sunga Ceasefire hiamkham pan, agah om sun pen Mon makai leh galkap tampi Kawl te'n khemkhia uh a, mi le sa tampi ki sup lawh lel ta hi.' ci in Pu Htaw Mon in genbeh hi.

January 18-20,2012 sung Mon gam a kibawl Mon National Conference ah Pu Htaw Mon in ' Mon galkap tampi in Kawlte tawh kipawl ci in, hong ngawh uh a, hong taisan uh hi.' ci in hilhcian hi.

Mon makaipi in agen zomna ah, 2008 Nargis Constitution  phuahphatna a om kei leh, Myanmar leh Monland kikal kido ding bek mah, maban omlai ci in gen hi.

Tua Mon National Conference ah, Mon galkap thahat semsem nang leh, Mon dinmun tuamtuam thahat nangin,  thukhensatna tuamtuam nei thei uh a, gamsung gampua pan palai 100 val kihel thei cih zong kiza hi.

Myanmar leh Monland kikal 1994 kumin Hiamkham Thuciam nei uh a, ahihhangin 2008 Constitution vai tawh, uitui buaksuah uh a, lah kikaplo, lah kilemlo dinmun a, a om laitak uh ahihi.