NLD Chairperson Aung San Suu Kyi in 2008 Nargis Constitution sungah, mipi a ding hoihlo thukhun khenkhat om ahihmanin, 2008 Constitution kici pen puahkik kul ding hi ci in, United Nations Human Rights palai Mr. Tomas Quitana tawh thu akikum zawh uh cinagin, Media te tawh kimuhna hun ah January 03, 2012 ni in gen hi.
Kawl Galkap USDP General Secretary Htay Oo in ' 2008 Constitution pen hun sawtpi bei a kigelh ahihmanin, puahkik kul tadih lo hi.' ci in January 02 ni in Radio Free Asia tawh holimna ah gen a, tua thu Aung San Suu Kyi in adawngkikna ahihi.
A pilvanghuai thu ah bel USDP in koiteng puahkik nuamlo phadeuh a, NLD in koimun teng puahkik nuam phadeuh uh hiam? cih pen kuamah in genkhialo uh hi.
Nargis Innpi ah Constitution puah taktak ding hileng zong, 2015 masiah MP panmun 48 tawh Nargis Innpi kilokzo taktak lo/nailo ahihi.
Zomi te'n apuatham en a, patau pah laplap kha a, pheisam banga hong nung nek kik ding, group khatpeuh nuai ah, tutawm hamphatna deihman lel tawh, ki va baptise khakloh ding thupi hi.
Htay Oo Interview
Suu Kyi thugen
No comments:
Post a Comment