2008 Nargis Constitution pen puahkik kullo hi ci in, Myanmar Army te party ahi Union Solidarity and Development Party-USDP General Secretary pheituamsuah Htay Oo in, Radio Free Asia tawh Febuary 02, 2012 ni interview ah pulak ta hi.
Pheituamsuah Htay Oo in ' Constitution pen hun sawtpi sung kigelh ahih ciangin, tu ta dih in puah kul lo hi. Mailam hunsawt pek khong cianga, akisap zenzen leh puah pan ding hi' ci in RFA gen hi.
Tulaitak Aung San Suu Kyi leh party khenkhat 2008 Nargis Constitution a puah theih khak uh leh ci in, April Fool Day ni a kibawl ding, by election ah tuhsawm in kisan keei uh hi.
Tuamah bangin Chin Zomi, Karen, Shan leh Mon galkap khenkhat in zong, USDP galkap kumpi in Panglong khawmpi bawlpih a, 2008 Nargis Constitution hong puahpih kik khak leh cih lam-etna tawh, Ceasefire Hiamkham khutpimek uh hi.
Constitution puah kulkei ci a gen, Pheituam suah Htay Oo pen, Major General lui khat hi in, 2010 kum a uniform suah in, kawlnik tawh kiteelna lut dinga, kawlgalkap tungsiah pan thu apiakte lak vua kihel khat hi.
Hihpa pen Galkap kawlniikteng teng tawh kibawl, USDP party ah General Secretary len ahihmanin, USDP awsuak zong hipah a, Parliament sung pan Constitution puah ding cih pen, USDP in dal leh hi theinawnlo ding cihna zong hipah hi..
Tulaitak Myanmar Army in USDP min tawh ki-ukna diklo takin lencip ahihmanin, Mualgamte tawh kiho taktak ciangin zong, 2008 Constitution pen Federal Constitution a puahkik ding pen, Myanmar Army/USDP utlo uh cihna zong hipah ahihi.
1 comment:
mawk aw ee
Post a Comment