Febuary 09.2012 ( www.ZoKhup.Com)--Thuthang kizakna ah Zomi Sushi bawlte poimawh mahmah leh nak zat mahmah ahi 'Tuna' ngasa pen, ngabeng te'n nakbeng khiat lua uh ahihmanin, tuipi sungah kiam cihtakin kiam ta a, Tuna ngasa zuakman khangta ding hi ci in, California siksan SBWire News in Febuary 06,2012 ni in gelh hi.
2011 July kha a suak Science Magazine ah mi te'n duh thei lua ahihmanin, Tuna ngabeng nuam zong khang hanhan a, tuipi ah Bluefin Tunate uangtak in kiamlawh gawp ci in kigelh hi.
Tuna ngasa tam diakna ahi Atlantic leh Mediterranean tuipite ah Bluefin Tuna tawm luata ahihmanin, Tuna man hong kahgawp ahihi ci in SBWire in gelh hi.
Nungkha Japan a Tuna zuak kipat ni ( Openning of Japanese Bluefin Tuna Season) ah, Tuna 593 pound pha Tuna khat pen 736,000 tawh kilei-ek ahihmanin, thukhun leh Tuna cimangh ding zong khualzo nawn lo in, ngabengte tuipi ah kuankhia khenkhang uh ci hi.
Leitunga Bluefin Tuna ngasate kemcing leh avan Pew Environment Group a Director Lee Crocket in " Hibang a Tuna man nakpi a hong khan pen hoih hetlo hi, banghanghiam cih leh ngabeng te'n tua Japan a kikhong zah nuaisiah tawh, kuamah in zuaknuam nawnlo ding uh a, tua in Tuna man hong hoih sak dinga, Tuna ngabengnuam hong kibehlap lailai ding hi." ci in patauh thu gen hi.
Pew Environment Group report ah 2010 kumsung in, Mediterranean Sea bekbek pan Tuna pound 428,400 kimankhia ci hi.Akikankhia zo teng bek hi in, aguuk a kiman tawh tuatto lai leng hisang, hisang azah tampi hi lai ding ci hi. Atlantic tuipi a pen BP Oil Company te namgimtui buaksuah hangin, nakpi in kiam lawh mahmah ci hi.
Tuipi bup tenga Bluefin Tuna om khempeuh i 80% pen beisiang ta kici hi.
No comments:
Post a Comment