Kachin gam Pangwa khawpi a kikapna ah Kachin te'n Gamkeek Myanmar helicopter 1 kapkhia in 3 kapsia ci in May 01, 2012 ni in kiza hi.
Kachin News Group Website ah kigelhna ah April 30 ni in Myanmar helicopter 2 in Kawlte leh asawltak uh NDA-K te huh dingin kuan uh a KIA in khat na kapkhia pah ci hi. Akhat zaw pen aphualpi uh tungkik nailo ci hi.
Tuabanah May 01 ni in zong Myanmar in helicopter 4 kuansak leuleu a, tualak ah 2 aphaulpi uh ciahkik zolo in mang cih kiza hi.
Kachin gam Pangwa khawpi ah KIA leh NDA-K-MA pangkhawmte April 26 ni a kipan tuni tan kikap lai uh cih kiza hi. Anunung pen thukizakna ah Pangwa khawpi mun tamzaw pen KIA in lazo ta cih kiza hi.
1988 kum a kipan Myanmar Gamkeek Army in Kachin suangeng leh Karen dolsingte tampi guuksak uh a, tuateng gamdangah zuak in guta sum teng tawh Russia bawl helicopter second hand hon khat lei uh hi. Tutunga azat uh helicopterte pen bang nam hi hiam cih kithei nailo hi.
Myanmarian Newspaper teng ah hi thu bangmah suaksak ngam nailo uh hi.
No comments:
Post a Comment