Walmart in June, 2012 a kipan VUDU gam 30 ah behlap ding ci in kiza hi. Leitungbup a Walmart Store 5000 valte siksan in VUDU keeklian toto lai ding ci hi.
Vudu pen a min taktak Vudu HD Movies kici in, nungdeuh a Walmart in a company buplei ahihi. Vudu ah High Definition Video tuamtuamte internet zangin kikawmthei kileithei hi.
Internet pan a TV, Movies leh a tuamtuam en theihna pen, Video Streaming kici in Netflix, Instant Video, Hulu, Vudu leh Amazon Video Streaming cihte minthang hi.
Tua lak ah Netflix pen aminthang masa penpen hi in, USA ah ala tam penpen a Digital Cable TV Company lianpen Comcast sangin zong ala tamzaw hi. Netflix leh Video Streaming Technology hong piangkhiat a kipan, Video CD leh DVD kawm theihna saite tuukmang uh a, Video Streaming pen sumbawlna hoihpi khat hong suakto hi.
Nungdeuh in Netflix te'n khakhat lakman 10 pan 16 ah hong khangsak sawm ciangin mipite lungkimlo uh hi.
Hibang dinmun hong om ciangin Walmart in Vudu Company leipahlian a,April kipatlam pan hong kipan pah uh a, tu'n gam 30 ah khahsawm uh ahihi.
Laitungbup ah Vudu pen HD Movies saal lian pen hi in, Walmart in alei zawh DVD , BD suak thak peuh mah a suah ni lianlian a Vudu ah zong kingahsak pah lianlian uh hi. Netflix a suaknailote nangawn zong Vudu ah kingah khol pahpah hi.
Vudu Website pen Vudu account banah Walmart account tawh zong kilutthei hi. Movies deih bangbang kikawm, kilei thei hi.Adangte banga kum khat lakman ( Subscription Fees) ci a sum piakkholh kullo hi.
Tulai tak in bel Vudu pen US bek ah kingah a, June kha a kipan bel gam 30 ah kingah ta ding hi. Zogam ah cikciang kingah ding cih bel ki thei nailo hi. Vudu pen Zomite phuat khong na hi kha leh, Zogam bup hong vakzo dekdek ta kha mah ding hiven ci in sunmang bang kisan kha zawzen hi.
No comments:
Post a Comment