Tuni iphone piangzawh kum 5 cing ta hi ci in Forbes Magazine site ah gelh uh hi.
2007 kum a Apple company in iphone masa pen asuah zawh tuni tan iphone awn 250 leitungbup ah kizuakkhia ta in, Apple company in USD 150 Billions luakkhia ta ci in gelh hi.
Apple company bawl iphone nam 5 pha in tuate iphone 2G, iphone 3G, iphone 3GS, iphone 4 leh anunung pen iphone 4S te hi.Khenkhat upmawhna ah tukum beilam hiam, maikumcillam hiam khat in iphone 5 suak ta ding ci in thuthang om hi.
CNN in agelhna ah Apple te'n iphone abawl a kipan company dang te'n zong dem toto uh hi. iPhone 4S hong suah ciangin zong demsawm uh a, ahihhangin iphone 4S ah Siri kici Awsawlna ( Voice Control Virtual Assisstant) kithuah in, tua Siri pen hacker te'n smartphone dangte ah athuah sawm uh hangin, mipi zattheih taktak ding bawlzo loin lawhsam uh ci hi.
Apple company te kum 5 sunga iphone zuakzah pen, Myanmarian Army in kum 5 sunga leisung leipua sumpiang teng thankik, kii leh lawivot nangawn siitlo a zuak sangin azah 10 valin tamzaw tham lai hi.
No comments:
Post a Comment