Meikhulo Zogam Part 3

Part 3 na ah Meikhulo Zogam bawl nang Zomi te koici leng iZomi ah kibaptise ding i hiam cih tawh kisai, pilna siamna akisamte kikoici sin theih, zo'n theih hiam cih thu gelh ding a kigeelsa ahihi. Ahihhangin khenkhat in Part 2 a iCracked tawh kisai iTech sem taktak ding hileng amau kigen ( Kikyawnya) bel thutuam hi in, ei Zomi te tawh kituak ding hiam ? cih nang muh daan hong gelh dih ve cih ngetna tam ahihmanin, tutunga Part 3 ding pen iCracked Review kigelh phot suak hi.

iCracked Review

Hihmun ah iCracked review i cih hangin midangte review gelh daan a  akip akoi in i gelhsawm kei hi, ahihhangin Zomi te lunghihmawh theih leh theihnop paidan tawh kituak thei pen dingin gelh i sawm hi.

iCracked i cih pen Part 2 a i gelh mah bangin iPhone, iPad leh iPod puahpawl cih i theihsa ahihi. Hidaan company pen leitungah apiang masa pen hilo in, iCracked ma in Geek Squad cih om khin hi. US leh leitung a electronic van zuaknalam a minthang penpen leh vanleite muanpen phial khat ahi Bestbuy Store ah vanpuahna counter khat om dingin, tua counter tung en lecin Geek Squad kici kigelh ding hi.A website uh www.geeksquad.com hi in, tuni ciangin Geek Squad Technicians 20000 pha ta uh a, US bup  Best Buy customerte van puahsak uh hi.

Hibang mah in iCracked zong enleng Apple vante puahna ah tu mahmah in zong company lian pen suakta in, amaban zong Geek Squad mah bangin limci kasa hi. Mailam ah Apple company bang tawh hong kiho kha zenzen le uh, Geek Squad zah mah pha zo ding hi. Geek Squad pen Store siksan bek hi in, iCracked leuleu bel inlusi nanagwn ah va bawl uh ahihmanin, Geek Squad sang zong iTech tam kisam zaw lai ding hi. USA bekbek ah;

1. City            10016
2. Town          4431
3. Urbana        78
4. Village         3770 

Pha hi. Hih khaw pahzah enbek leng zong, tu'n iCracked ten itech 200 khong bek nei pan uh ahihmanin, maban i tuat thei ciat ding hi. Apple Store bang tawh Geek Squad leh Best Buy te bangin hong senkhawm le uh bel amun kibehlap lai ding cihna hi.Tu'n Europe, Asia lam ah zong iCracked kithei pianpian ta in iTech zong om keukeu ta hi.

Atunga teng pen company maban limcit daan igenna hi in, iTech te maban limcit daan en dih ni. Adiak in Zomi iTech lutnuamte a dingin Zomi keu pan velleng:

• iCracked Company lut iTech te pen iCracked website ah a photo uh leh phone number, mimal thu leh kizop daan ding suaksak uh a, a website vuah phone puahnuam te'n  aveng Pin Code uh khen leh tua kiim a naipen iTech min dawk pah hi. iCracked pen tu'n minthang painpian ta in mailam ah mikim in thei ta ding hi. Tua ahihmanin Zomi iTech khat peuh lut leh customer pen company main website pan hon khat hong lut pah ding cihna hi.
• Kisina virtual training kici internet pan a kisin video tawh hi in theihbaih mahmah hi. Telloh te zial kikik theih hi. Tuaban ah iTech te sep ding pen iphone i software program te va puah ding hilo a, a hardware kici a phone hawng leh guh teng puah( atakatak ah avan khek )  ding hilel hi. Youtube ah iCracked te'n sample course akhah ban vuah, service dang khenkhat in zong video tutorial khah uh hi. Tuate enleng hamsat tuak lua lawmlawm lo hi. Gentehna bangin iphone 4S bang enleng tan 8 genloh tan 4 te nangawn theihzawh ding cih i muciat ding hi. iPhone 4S ah apatna screw 2 phel ding, tua khit ciang asunga screw 3 tuak apangah om avek a 6 phel ding, battery hemkhia ding, cih leh step awl mahmah dang 4 khong hilel hi. Tua bekbek kum tawn a sep ding cihna hi lel in, laitan zong kisamlo phial hi.
• A licence leh kisina summan zong enleng kiman mahmah lel cih ding hi. US ah sumbukno khat hong ding hileng bangzah bei, sushi sai khat pan ding hileng bangzah bei cih i theihciat hi. Tuazong lawhcing ding maw, cinglo ding cih kician nailo hi. iCracked leuleu pen leitungbup ah 'PAUK ta hi in, a bulpi nasep ding ahi advertisement, branding, management akipan kisam teng  azawhsa uh ahihi. iCracked  T-Shirt silh a leitungbup  mite lunggulh penpente lak a khat a hi iphone, ipod, ipad te ngil ziilzial a puah zezeuh ding hilel hi.
• iCracked Zomite a ding ahoihna dang khat pen a company kum khat val khong bek phapanin,  Zu bang hileh acil kilap lai cih ding hi. Nidang ciang hong thang vanglak leh a ut hong tam mahmah dingin, milui leh expert mahmah ta te a ding lobuang, customer/client tam nawnlo ding hi. Na khat peuhpeuh athei masa leh senior te mah koikoi ah kimuangin, mite'n zuanse uh cih i theih ciat ahihi.
• Income tawh kisai bel iphone khat puahman ataangpi USD 60-100 la uh  hi. A company in munkhat ah agelhna ah iTech khat in atangpi in Kaal khat 750-2000 kikal ngah thei ci hi. Ahihhangin amun leh mual, ami tawh zong kisai kha lai thei hi. Khutnal mahmah ciangin iphone screen khek pen minute 30 sung khonga zo lel uh ci hi.
• iCracked pen Team daan a pai hi in, iTech khat leh khat zong kipanpih uh ci hi. Tua pen Zomi kisap pi pen hi dinga kingaihsun hi. Migam milei ah eiguak va gamtat keei pen thubaihlo cihman hi.
• Atawpna ah athupi penpen bel a Brand ( Tazeih) ahihi. Internet khongah iphone, ipad, ipod puahdaan pen video leh ebook a dil aha a om hi. Ei thu in sin leng zong a free a kingah hi. Ahihhangin ei vanneih lian puah nang zang ding ih hih kei leh cihloh sumbawlna ah kizang thei khollo hi. Banghang hiam cih leh nuntak zawh khop nang nasep ngah nang pen, ei akua in hong thei mawk a, van puah dingin hong ap zuahzuah mawk ding  uh adiam? cih hamsatna lianpi om hi. iCracked sample video tutorialte enleng zong lamdang lualawmlawm lo hi. Ahizongin i gensa mah bangin iCracked cih brand PAUK pen in hong vak ding hizaw hi. Kei pen iCracked pan iTech khat hi ing cileng vai tampi zokhin hi. Tua banah iCracked main site pan a hong zuan ding zong om ahihmanin EMSA cih theih phial hi.

Atungah iCracked tawh kisai muhdaan khenkhat i gelh a, ahoihlam pian vive hikha ding hi. Ahoihlo lam reserach a kibawl koikoi leh om khollo in, mun khat a bel khat in" Hibanga Apple Store te'n a puahman tampipi la , sawtpipi ngak kul na cih uh, Apple te heh le uh zumkong mangkong hong tu'n ding uh hi" aci khat bel om hi. Tualo negative kimulo hi.

 Google hiam Yahoo hiam ah iCracked Scam, iCracked Rippoff, iCracked Review cih kammal khenin en lecin negative om khollo hi. Company, products leh service khenkhat zong leng ahoih kei leh, athuak ngei te'n kisuang hetlo in athuaknate uh leh  hoih asaklohnate uh gelh ziahziah uh hi.

Part 3 gelh ding kimlai alunglutte requestna tawh iTech thu part 3 a kigelh suak ahihlam kitheisiam ciat ni. Hih iCracked leh iTech thu pen muhdaan hi in, mimalmal tungah a result kibanglo ding hi.

Zomi sung sep ding bang hileh bel English tawh kisawhkha zawdeuh laisiangtho sinsate, buaih ngahsate leh, laitan neih kholloh hang dangnaal ngiatte patkhiat dingin hoih hi. Pauthei zaw deih te'n a licence leh trianing la leh bel asep bel sangkahlote nangawn sep theih ahihi.

Laikungpu  in ong pan ve leh cih dotna zong om thei ding a, tua pen dawng kik ding cileng " Keisep ngiat dinga kana kankhiat hi in, cidamna hanga semthei paklo dinga ki-om ahihman a, pammaihsa a kong tangko sawn hipan zaw"  i cinuam hi.

www.icracked.com ah na Zip Code khen inla na khua ah aom nai hia, ahih kei leh bangzah om cih ki-en thei hi.

Zomto zel lai ni.