Zomi National Congress party registration vai tawh kizomto a, Myanmariante uksungah "Zomi" minam omlo hi ci a, Kawlte Election Commission in agennate pen, May 31, 2012 ni in kibawlpha kik cih kiza hi.
May 31 ni in Myanmar Election Commission in ZNC president Pu Chin Sian Thang kiangah Zomi omlo acih uh pen a Kawlngian uh hi in, tu'n omta, ci in phone tawh hopih cih kiza hi.
DVB interview a Pu Chin Sian Thang genna ah Election Commission in,
1. Zomi leh Chin pen akibang hi. Zomi pen nopau tawh hi.
2. Zomi omlo cih pen ka theihkhialh man uh hi.
3. Tu'n Zomi min kihel in kal khat sungin register hong bawl kik un.
4. ZNC a " National" cihbel kaphal kei uh hi.
Ci in MEC in Pu Chin Sian Thang kiangah zasakin ci hi.
Thu omdaan aki-et ciangin National min hilo in Chin sunga tribal group or khawk khat min daan a hong pom uh hiam? cih bel sittel lai ding kisam ahihi.
Zomi leh Zo cih kihel min pen in tuhun ciangin Kawlgam bek hilo India leh Bangladesh tan huam pianta ahihmanin, hihmite min khat sakhat nuai ah hong kikhaikhawm toto in hong ki thutuak mawk le uh, mailam ah kikhahsuah kha ding hi, ci in gam khenkhat patau uh ahihi.
Zomi te Kawlnuai ah Federal State, India nuai ah Autonomous Tribal State leh Mizoram State cih bangin omleng, maban ah i phutlai ding pen apicingkhantohna bek omlai hi.
No comments:
Post a Comment