Karen National Union Policy

Karen-Myanmar kihona a Karen palai lamte. ( Photo: Irrawaddy)

Monday, September 03, 2012 ni in Karen National Union- KNU palaite leh Myanmar USDP Pawl kikal 3 veina kiho cih kiza hi.

Tua kihona ah Ceasefire hiamkham neih sung zuih ding thu tuamtuam Union level a gen ding cih kiza hi.

Tutunga kihona ah Karen Gam pan Kawlgalkapte agamvuah ciahkik dingin, KNU lamin ngetsawm cih kiza hi. Adiakin Kawlte haltum khuate leh galtai kibute donghu khua (temporary shelters of IDPs) pan Kawlte kihep khiat nang, KNU palai te'n genta ding  ci hi.

Nungkal sunga Karen National Union tanupi General Secretary Pi Naw Sipporah Sein in Irrawaddy Magazine tawh interview ah a genna ah " Karen Gam pan thakhatthu a avek vua, paikhiat gaih ding kacihna uh hilo a, damdam leh abanban a ciahkik ding deih ka hi uh hi." ci in gen hi.

KNU General Secretary Pi Naw Zipporah Sein ( Photo from KNU Official Website)

 Karen National Union in nidangin Independence a ding do uh a, tu'n Federal Union leh Karen  Federal State ngen ta uh hi.

Karen leh Naga thuman deihte galdona ( The Just War/ Tayar tou Sit) pen kum 60 valta in, leitungah asawt penpen suahtakna do minam  in kiciamteh ahihi. 

Karen NationalUnion in thu meilet pi 4 nei a tuate: 

• For us, Surrender is out of question. 
• We Shall retain our arms;
• The recognition of the Karen State must be complete;
• We shall decide our own destiny.  

Atunga Karen thumeilet 4 te Zopau in ahi thei bangbang in kammal leikiat hilo, akhiatna i letkhia hi. A English tawh akituah kei leh, hih laigelhpa kicinlahna hizaw ding hi.

• Karen minam in Galte mai ah cikmah hunin khukdi'n ngeilo ding hi. 
• Kagalvante uh kakem den ding uh hi.
• Karen Gam pen gam khat a pompihna  a bucing teitei ding ahihi.
• Karen maban ding pen Karen te'n ka khensat ding uh hi.

Cihteng hi in, 1949 kum Karen suahtakna galdo akipat uh pan , tunitan a thu meilet uh ahihi. KNU bek hilo in DKBA, KNU/KNLA( Peace Council) leh Japuh Aung San ( Nidanga KNU Forest Minister Pado Aung San) pawlte in zong thu meiletpi mah in tunitan neilai uh ahihi.