Blog Income Report

Hih blog kipat zawh kum 3 sung hong lut ta in, hih blog kipat pan sumlut zah khatvei report bawlkhia peuhmah dih ni.


Income

1. Google Adsense pan USD.100
2. Amazon                    USD.    6

Balance                        USD  00.00 (Check tung phet in meh leina in beipah hi. Lol )
Ngahlai ding                 USD. 38.00 ( Google Adsense pan 100 cing nailo in, sum sazian laibupi sungah              

kikhum thei nailo hi..).


Expenditure

Domain Name = USD. 10 per year.
Thaman           = Sum tawh tuat zohloh phial ding, hun simzawhloh.


Kawlgalkap Zuaukhahpute (Myanmar Army Black Propagandists ) te'n, Blogger te'n sum tampi angah man vua blog gelhgelh uh ci in, thuleng khahkhah uh ahihman a, Zomi Blog Walker te kiangah Report kong gelh a hihi.

Kawlgam ah Blog Walker tam pen angah phial ahi Dr.Lun Swe Blog nangawn amathu a ding zolo hi ding hiam, ut ta kei leh nektawm ding, Mae Tao Clinic ah med doctor semkawm khaukhau hi.

Tua banah Moemakha Blog zong San Francisco Bay Area Kawl Community Donation kum khat USD.40,000 tawh dingin, genthei kisa mahmah lai uh hi. Silicon Valley lam ah Sushi zuak hoih hi ding hiam, Kawlgam Blog lak ah staff nei zo Moemakha Blog bek om cih ding hi.

Tualo Media Website tuamtuam te bel a sponsor om in, tuate leh Blogger te kibang lo ahihi.

Blogger i cih bel gmail account nei khempeuh in free a blog bawl a, lungsim a suak bangbang leh mi hawmsawn nopte, akua'n simin, sim ta kei leh, gelhgelh te cihna hilel hi. Online Diary zong kici hi.

Doctor khat blog ah Medical tawh kisai kitam gelh dinga, activist khat i blog ah ama buai pihpih cause tawh kisai kitam gelh ding cihna hi lel hi. Tuamah banga Tech Blog, Business Blog, Political Blog tuamtuam te hong piangkhia hilel ahihi.

 ICT hong khangtoh tawh kituak a, mipi te'n Technology Beempi sawkkha zawdeuh ta a, tagah nawimu banga Freedom of Expression kizang ciat ngeingai hilel hi.

Tua leh nang ee, banghang blogger sem na hiam? hong kici leh " Ei zong i ham nuam sam ve." cih loh ngal adawn nang dang ding theituanlo ka hihi.

Nidang Super Power Soviet Union ( USSR) ahat lai, Russia mipil Scientist khat USA ah asylum ngenin, tuapa kiangah US te'n , na gamah hilai na om theih zah mah in, om thei ci'n a, hilai a nanek mah nezo khat hi ci'n, bang hang peuhmah a, USA ut dihdih tua'n se na hiam? ci a dot uh leh, tua Russian Scientist pa in " Mihing ihih cianga, ei zong i ham nuam sam ve." ci ci hi.

Bangteng hileh Kawlte Blogger 10000 val phata in, Zomi te zong Blogger ciat dih ni ei. Tedim ah paupaw ngei ahi BOLOK ni cihna bel hilo hi.

Ahizongin BOLOK nuam i om leh lampi zong kihilh thei hi. Hong Contact pong le uh cin, a uuk taktak i om leh, mankal khongin BOLOK khawm zel ni ci'n i kizawn hi.

Thathun ( Input)  kibang veve Zomi awn 10 khong ciang beek phaleng bel, income lamzong nuam bilbel mah ding hi ven, cih tawh tutung Sumlut Report Laibupi i khak phot hi.