Zanlam deuh in electronic leh digital van zuakna sumbuk minthang Bestbuy thu news khat ah hong suak dihdih hi. Tua news in agenna ah Bestbuy Company pen kipuahna thak lianpi abawl kei uh leh, asawtlo in puuk ding ci hi.
Banghang hiam cih leh tuhun ciangin mi tampi te'n online shopping kici, internet pan van leina innpua piallo in, zang ziauziau ta uh ahihmanin, innpua retail store te pan vanlei zong kiam zawdeuh ta ci hi.
Mi tampi in Bestbuy ah van a deih uh va en in, tua khit ciangin, a model nambat leh design deihdaan teel uh a, tua ciamteh in Amazon kici internet sumbukpi pan kiman tak in, lei ziauziau ta uh ci hi.
Bestbuy bek hilo in Walmart, Target leh store lianpipi te zong mi tampi in van va etna bek in zangta uh ci hi.
Online Shopping sumbuk pen tampi a om hangin, AMAZON mah ah van kicing pen in, zong kiman pen lai ci hi.Vanlei vanzuak nuam khempeuh in, zang uh ahihmanin tulai in lun mahmah ci hi.
Zomite zong ziakai tuanlo hihang cih lahna in, Blog taklam ah Amazon Nisim Van Kikhiamte kikoih hi. Tua banah anuai ah Amazon te Fashion leh Lifestyle tawh kisai a minthang ahi MyHabit lut theihna zong kikoih hi. My Habit sign up lecin Fashion leh Lifestyle tawh kisai kiman nono in na lei thei ding hi. Member te bek khiam uh hi.
Politics bekbek gumgawtang a nong post kawmin, tulai internet khantohna lam zong hong gelhzel dih ve, khenkhat in ci uh akong post ahihi.
No comments:
Post a Comment