New Mon State Party Policy

Nai Hong Sar thugenna. Photo Courtesy: Independent Mon News Agency

Mon Minam leh Mon gam khuam mungpi ahi New Mon State Party in, Federal Union apiang masiah lungkia lo, nungtolh lo in cihtakna leh hangsanna tawh ka hanciam suak lai ding uh hi ci in, Mon Revolution Day ah puangkhia  ci in, September 01, 2012 ni a suak Mon News ah kigelh hi.

Nam leh Gam Politics lampi paina  lampi akeu akoi tuamtuam ah koici kalsuan ding cih pen, Mon mipi leh Mon minam nasem te'n  limtak kithei cian ahihmanin, maban ah Mon minam leh Mon gam tup leh ngimte khahlo in, kalsuan khawm  toto lai ding hi hang ci in tua thusuah ah kigelh hi.

" Gam neilo minam, Tualvaihawmna neilo minam, Galkap neilo minam pen, hun tomno sungin mangthang ding uh hi." ci in New Mon State Party thuzeekpi Pu Nai Hong Sar in gen hi.

Tua banah tulai in Mon National Liberation Army- MNLA Mon minam in aneih man a, Mon Minam namdang leh gamdangte in hong thusim leh hong theihpih bek uh ahihi ci in gen hi.

Kum 65 ci'nna Mon Revolution Day a MNSP lutangpi kiang pan mipi thupuak sungah zong " Tulai in atawntung kilem nang , ma i lak lai tak hi in, nek dinga kawlte hong anntahte bek uh en lo a, hongvat nang uh ahi a singkhuah tawi pen uh zong , encik ding ahihi" ci in Mon mipite pilvang nangin hanthawnna lai khak  hi.

Mon Revolution pen Kawlgam Independence ngah cil pan kipan hi in, Mon Peoples' Front-MPF min tawh ding khia uh a, asawtlo in Mon National Defence Organisation- MNDO ci in, Galkap zong lawhcing takin MPF in phuankhia zo hi.

Ahihhangin 1958 kumin Democracy leh Galhiam khek ding cih thu meilet in Kawl Prime Minister U Nu in zol ahihmanin, MPF kawlnuai ah sunglut kha uh a, MPF political party khat in dingkhia hi, kiteelna ah zong lut uh hi. MPF makai khenkhat MP leh Minister suak zong om hi.

MPF Kawlnuai sunglut lungkimlo in 1958 kum mah in Pu Nai Shwe Kyin makaihna tawh New Mon State Party phuan khia uh a, tuni tan Mon minam leh Mon gam in Self-determination leh Federal State ngah nangin, sisan naisan, khua-ul leh pilna siamna sitlo a ding suak uh ahihi. NMSP in galkap 700 ( Regular) leh anungthuap( Reserve) 8000 val nei cih kiza hi.Kawlmang tawh ceasefire alaklai un, gatvan list apiakna vuah galvan 8000 val pha hi. AK series 4000 val leh adang tuamtuam 4000 nei hi.

Tuni a Yangon, Pegu kihelin Naypitaw khawpi nuaisuah pen Mon minamte pupa gamlei ahihi.Kawl Pagong khua hausa Aung Zay Ya hong khangkhiat a kipan, Kawlnuai ah tuni tan kiakha zenzen uh ahihi.

Source: Independent Mon News Agency