Khatvei ka nasepna vuah mivom khangno khat tawh semkhawm kha in, bang gen hiam cih kitheilo, a muk phunphun in, bang gen hipeuh mah diam ci a ka ngaih leh " Damn is a good day" peuh ci kei hi. Samsiat ni pen ni pha hi peuh ci mawk hi.
Limtak ka et leh headphone neu khat a bil ah thuah in, Rap ci hiam hiphop ci hiam te asak pihpih na hi hi.
Hiphop hoih na sa hiam hong ci in hoih bel sa mah ing, ko Zomi lak ah zong a siam mahmah khenkhat om ka ci kik pong hi.
Leitungah kua khong min thang hiam? ka cih leh min khenkhat gen in, Chris Brown acih tulaitak minthang mahmah ci hi.
La namkhat ahih ciang ci in tua a Chris Brown cihpa la kong post hi. Hoih hiam hoihlo hiam bel thei khangin, tulai apaw hih tuak hi.
Khatvei Freedom song, Human Rights song cih khong ka zo'n leh Akon acih khat pa i Freedom cih Rap/Hiphop na om in, zaknop zawzen hi. Tualo Human Rights la khat zong omin, Stand up for Your Rights acih daan pian khat ahihi. Tualate hoih sa a, hiphop i khah ahihi.
Mikang meltheih khat in bel " Hehna khat nei a phunphun tawh kibang sa ing." ci ta leuleu hi.
No comments:
Post a Comment