Zomi Sushinomics: New York ah Sushi mankhang

Thuthang kizakna ah New York khawpi ah Sushi man khang ci in kiza hi. Los Angelis tawh teh in New York ah Sushi man tamzaw ta ci hi.

Tukum July kha akipan leitungbup ah annnek tuidawn man ( Food Price ) pen 10% in khang a, tua tawh kizawitawn mah a, Sushi man zong hong khang ci hi.

Bloomberg te'n US khawpihuam 25 ( Metropolitan Areas) siksan a akankhiatna vuah,  Sushi man zong atangpi in 10% khang ci uh hi. Spicy Tuna leh California Rolls te bulphuh diak a tehna bawl uh ci hi.

Bloomberg te teh daan ah New York score pen 132.98 hi in, akhatna hi a, khawpi dangte sangin 32.98% a Sushi man tamzaw cihna ci hi. Azom ah Los Angelis 127.60 leh San Francisco 119.22 in zui ci hi. Tua khit ciang in Dallas leh Sacramento in zomto ci hi.

US khawpite lak ah New Orleans ah Sushi man kiman pen in, ateh daan ah  79.98 bek pha ci hi. Sushi tawm manna penpen khawpi 5 lak ah Columbus ( Ohio), Portland ( Oregon), San Jose ( California), Chicago ( Illinois) te zong kihel ci hi.

Mite Sushi man akhang ngeingai laitak Orlando ( Florida) leh Minneapolis/St.Paul ah bel Sushi man kiam lehbung bilbel ci hi.

Bureau of  Labor Statistics' Comsumer Price Index te genna ah, Restaurant 40 % ten California Roll ah $ 00.22, Spicy Tuna Roll ah  $ 00.27 kiim tekin khangsak uh ci hi.

Khawpihuam 25 tehna anuai a bang ahihi. 100 pen atangpi lakna hi. 

New York               132.98

Los Angeles                       127.68

San Francisco                    119.22 

Dallas                                 115.18 

Sacramento                        111.66

Minneapolis/St. Paul         110.97 

Seattle                                110.70 

Austin                                 110.32

Denver                               108.31

Miami                                108.06 

Boston                               107.98 

St. Louis                            107 .61 

Atlanta                              107 .12 

Philadelphia                      105.53 

Orlando                             105.36 

Phoenix/Tempe                 105.07 

Houston                             100.11

Charlotte                             98.43 

Washington                         95.31

Chicago                               94.98 

San Jose                             94.75

Portland                              92.29 

Columbus                           86.37 

New Orleans                      79.98

Zomi Sushi business lam tawh kisai kancianna ah, Sushi Leitung ( Sushi World ) ah zong unau Kawlte mah ultungin, Zomite anung vuah kipei pian diakdiak ci in, Ohio a University minthang khat ahi Kent State University a Sushi Bar nei Pu Pau Lian Nun in, tuni kiho khakna ah gen hi.

-->