( Hih thului pen International Nickel Study Group site pan kiletkhia hi in, London Metal Exchange a June 21, 2013 ni Nickel man leh kikhol zah tawh ki update ahihi. Zomi Nickel Movement i kalsuanna ah adiak in tangpi tangtate theih dinga ki hanciam ahihi.)
Nickel i cih bang taktak hiam?
Nickel i cih pen sik ngo pak delhdelh nam khat hi in, 1751 kum a kimukhia ahihi. Scientist te'n (Symbol Ni, atomic weight 58.71, atomic number 28) ci in ciamteh uh hi.
Nickel pen 1453 Degree Celcious asat ciangin, kihuan tui zo pan a mipi vanzat, setvan, vanleng, tuileng a kipan, leitung van bawlna tuamtuam 300,000 ah kizang ahihi. Tuabek thamlo in sumtang bawlna ah zong kinak zat mahmah hi. US dollar Cent 5 tang pen bang Nickel ci in ki minvawh hi. Nickel pen amah guak (Pure metal) in a kizat theih mah bangin, siknam tuamtuam tawh zong kihel (alloy) thei ci hi.
Leitunga Nickel piang zah i 65% pen kahpasik bawlna ah kizang a, 20% pen sikvan dang tuamtuam tawh kihelhkhawm hi. Super Alloys kici khapi tung kahna, galvanleng hoih mahmah te bawlna leh galvan kiselsim tech sang mahmahte bawlna ah zong ki nak zat mahmah ahihi.
Leitung ah gam 20 bek ah Nickel piangin, Nickel huan thei gam 25 bek om ci hi.
Tua bek hilo in leitungbup ah kum khat ciang Nickel Ton Awn 1 ( One Million) khong bek piangkhia a, siknam tawm mahmah khat ahihi. Kum khat in Copper Awn 10, Steel Awn 800 piang tawh teh in, Nickel pen van hamsa mahmah khat ahihi.
Nickel bangzah om lai hiam?
Leitungbup a Nickel om lai teng pen tu zawh kum 100 khom ding bek om lai hi.Tuipisual ah tampi om napi tuate tawhkhiat zatkhiat theih nang pen, technology hamsa mahmah lai ahihi. Leitangtung a Nickel deposit om zah i 1/3 bek sumsuahkhop ( minable at a profit) tak bek in, adangte pen sumbul tampi beilawh zah dong dingin phalo ahihi.
Nickel kisam bang zah?
Abeisa kum 10 sung a ki en kik ciangin, leitung gamte sumbawllam ah hong khangto uh tawh kituak in, Nickel kisapna zong hong khang mahmah ahihi.
- 2001 kumin Nickel Ton Awn 1.104
- 2011 kum ciangin Ton Awn 1.572 ah khangto hi.
Ahuampi en leng kum khat 4% kiim ta bang , Nickel kisam zah khang semsem cih ki mu thei hi. 2007-9 kikal leitung sumbawl paibawl kiatgawp sungteng in, Nickel kizatna zong kiam pian a, 2010 khit leitung sumbawlnalam hong hoih kik tawh kituak in, Nickel zatna zong khang kik hathat ahihi.
Asia in leitung Nickel piang zah i 65% zang uh a, China bekbek in leitung Nickel piang zah i 44 % zang ta hi. Tuma kum 10 lai in China in leitung Nickel piang zah i 8% bek kisam a, tu'n 44% ah kah hi.
Kum khat in Nickel bang zah kito khia hiam?
Atangpi in 2011 kum leitung gam tuamtuamte Nickel toh khiat zah anuai a bang ahihi.
- China in kum khat in Nickel Ton 250,000 kiim tokhia in, avek in a gamsung mah vuah zang gai hi.
- Brazil gam a Barro Alto leh Onça Puma Project 2 panin kum khat Ton 100,000.
- Africa a Madagascar tuikulhgam a Ambatovy project panin kum 60,000
- New Caledonia, Vale’s Goro project pen tohkhuan kipia khin in, kipan nailo cih kiza hi.
- Taguang Taung leh Zogam Gullu Mual zong kipanpan ta cih kiza hi.
- Tua leh mun dangdangteng kigawm awn ahihi.
Leitung Nickel kisam zah tam semsem ahihmanin, Nickel piangna mun leh gam peuhmah , gam tuamtuam te lunglut mahmah uh a, kituh ngeingai uh ahihi.
Tua tawh kituak in Zogam a Gullu Mual Nickel Nickel Deposit leh Sagaing Division a Tagaung Taung Nickel Deposit zong, China in Myanmarian te golhguuk pia in, gamdangte tuhma in leikhol ahihi.
Zogam Gullu Mual tawh kisai Kawl Geological Survey and Minerals Exploration Department, Ministry of Mines leh China North Mining Investment Company Limitted te June 6, 2012 ni a kithukimna thu, Myanmar News Agency thuthang siksan in, MRTV3 site ah anuai bangin kigelh hi.
Zogam Gullu Mual tawh kisai Kawl Geological Survey and Minerals Exploration Department, Ministry of Mines leh China North Mining Investment Company Limitted te June 6, 2012 ni a kithukimna thu, Myanmar News Agency thuthang siksan in, MRTV3 site ah anuai bangin kigelh hi.
NAY PYI TAW, 7 June — Geological Survey and Minerals Exploration Department of the Ministry of Mines and North Mining Investment Company Limited signed an agreement to assess the possibility for nickel deposit in Mwetaung in Tiddim Township of western Myanmar Chin State, here yesterday.
The director-general of the GSMED and Mr Li Li, chairman of the North Mining Investment Company Limited, signed the agreement and exchanged notes in the presence of Union Minister for Mines U Thein Htaik, Joint-Secretary of Myanmar Investment Commission Deputy Minister for Rail Transportation Thura U Thaung Lwin and senior officials concerned. — MNA
Nickel man leh kikhol bang zah?
Abeisa kum 40 en kik leng Nickel man pen kiamvat khangvat zel cih kimu thei hi. Anuai a chart enleng 1991-2011 kikal kum 20 sunga London Metal Exchange-LME a Nickel man leh kikhol paidaan kimu thei hi.
1980 kumto tengin Nickel man tam mahmah a, 1990 kumto (1990s) Soviet Bloc kici communist gam teng, hong kiamgawp sung uh a Nickel neihsa teng zuakkhia gawp uh ahihmanin kiam suk hi.
2003 kum tan pen Nickel ton khat ciangin USD 10,000 nuaisiah bek kikhong hi.
Tua zawh kum 2 ahi 2005 kum ciangin Nickel man pen 10,000 pan 14,000 ah kikhawhto in, 2007 May kha ciangin $52,179 tak manto liang hi. 2008 kum ciangin leitung silbawlna hong kia vat ahihmanin, December kha ciangin $9,678 ah kiasuk hi.
2009 kumthak ciang Nickel man damdam in hong khang kik a, 2010 sungin $24,103 man hi. 2011 tan khang toto in March kha ciang $26,015 tung hi.
Tua panin them hong kiamkik in 2011 December kha sungin $18,144. ah kia kik pian hi. 2012 January kha in $19,815 ah them khang kik hi.
Abaih dingin en kik leng:
- 2003 kumin ton khat 10,000
- 2005 14,000
- 2007 52,179
- 2010 24,105
- 2011 18,144
- 2012 19,815
LME Nickel kikhol ( Stocks) ciamtehna ah, kum khat in atangpi in Nickel siang Ton 20,000-150,000 bek aval kikhol cih kimu thei hi.
June 21, 2013 ni London Metal Exchange site ah Nickel Ton khat ciangin USD 13775 man ci in kigelh hi.
Anuai a chart pen tua ni Leitung Nickel man leh kikhol zah dinmun ahihi.
LME Official Prices, US$ per tonne
| Contract | Price |
|---|---|
| Cash Buyer | 13775.00 |
| Cash Seller & Settlement | 13780.00 |
| 3-months Buyer | 13830.00 |
| 3-months Seller | 13835.00 |
| Dec 1 Buyer | 14100.00 |
| Dec 1 Seller | 14200.00 |
| Dec 2 Buyer | 14335.00 |
| Dec 2 Seller | 14435.00 |
| Dec 3 Buyer | 14515.00 |
| Dec 3 Seller | 14615.00 |
LME Official Opening stocks in tonnes
| Stocks | Amount |
|---|---|
| Opening Stock | 185412 |
| Live Warrants | 158478 |
| Cancelled Warrants | 26934 |
No comments:
Post a Comment