Universal declaration of Human Rights kici, Leitungbup zuih dinga kibawl mihing tanvo tawh kisai, UNO thu tangko UDHR pen Zogam kihelin Kawl-uk nuai a sang teng ah kisinsak ta ding ci in June 20, 2013 ni in Radio Free Asia pan kiza hi.
Myanmar Human Rights Commission leh Ministry of Education kithukim khin ci hi.
Galkapte i Myanmar Human Rights Commission Chairperson Win Mayar in, UDHR kawl lai tawh kiletkhia masa penpen ahong khiatna ah hi banga gen ci hi.
Amasa in tua UDHR copy 30,000 pen Kawl kumpi department teng, MP Muutpute leh school tengah hawmkhia ding ci in Pu Win Mayar in gen hi.
Human Rights palsatna hangin Kawlgalkap kumpi pen kum tampi tak sung, leitung gamte in dainawl ah koih uh ahihmanin, ki bawlsiatna leh gentheihna lianpi tung in, Kawl galkap sung nangawn puakkham dekdek dinmun hong tung ciang a, tu a bang panlakna hong om hi ci in, Zomi human rights activist khat in gen hi.
Universal Declaration of Human Rights Article Article 20 (1) ah Everyone has the right to freedom of peaceful assembly and association ci in kigelh hi
Tua bek thamlo in 2008 Nargis Constitution Article 354 ( b) ah Everyone has the right to assemble peacefully without arms and holding procession ci hi.
Tua ahihmanin Zomi akuamah peuhmah, Zogam sungah zong ut bangbang a lungpho khuan kinei ta ahihlam i theih tek ding thupi ahihi.
No comments:
Post a Comment