November 04, 2013 ni Kachin gam Myikyina khawpi a Mualgam-Kawlgam kikal Hiamkham tawh kisai kithukimna om theilo pen, December khasung Karen khawpi Pha-an ah kikum kik ding cih i theihsa ahihi. Tuama in Mualgam teng Thailand gam Chiangmai khua ah November 22-23 kikal kikum kik ding ahihi.
Laiza khawmpi leh Myikyina kihona te pan in, Mualgam teng tangin Nationwide Ceasefire Coordinating Team- NCCT kiphuankhia hi. Tua Mualgam NCCT ah anuai a makai thum kiseh hi.
Nai Hongsar
Vice President,
New Mon State Party.
Brigadier Gum Maw,
Deputy Chief of Staff,
Kachin Independence Army.
Pado Kwe Htoo Win
General Secretary,
Karen National Union.
Myikyina Hiamkham kihona a Kawlgamte thului tawh kisai muhdaan tuamtuam anuai bang ahihi.
" Kawl hong thului pen Surrender Policy hi in, mualgamte lui pen Ceasefire Policy hi in kipelh mahmah hi." Col. Saw Lwin, Kayan New Land Party.
" Kawl kumpi draft hong luikhiat sungah, Mualgamte thakiam nang leh bei nang thute kihel ahihmanin ngaihsut phat kul hi." Col. San Aung, DKBA.
Myikyina kihona khit ciangin New Mon State Party in Kawl thusu'n ka pom kei uh ci in, tangko pah uh hi.
Kawlgamte palai leh kilemna puaisar ( Myanmar Peace Center) a Hla Maung Shwe in bel " A kibanglo minam tuamtuamte ih hingkhawm khuawsak khawm cianga democracy kici thei pan ahihmanin, mailam ah ki geelkhawm bawlkhawm toto lai ding hi. Kawlgam kumpi in bel piak zawh zahzah ka piapia uh hi." ci pong hi.
No comments:
Post a Comment