Shan State sung Kyesi township sung a Shan galkap phual khat Myanmar in June 26 ni in va sim ahihmanin Myanmar phual hon khat Shan te'n zong va sim kik ci in kiza hi.
Kyesi township sung a Nongka, Pangse, Loiyoi leh Nambuk dungsuk teng ah Shan leh Myanmar tutan kikap lai uh ci hi.
June 26 ni in Namzang a om Myanmar Army LB. 247 pan Major Myo Myint makaih Kawl 200 in Wangpasong khuasung a Pasong lei cing Shan galkapte vasim uh ahihmanin, Shan te'n zong Wangkat khua a Myanmar phual va sim kik pah uh ci hi.
Myanmar te'n mipi gal-antah a nei uh ahihmanin kikap kik theilo a amau phual khat va kibuluh hi zaw ci in Shan commander khat in gen hi.
Tu ciangciang kizakna ah Myanmar te Wangkat phualpi pen Shan galkap SSA in lazo ta cih kiza hi.
Pasong lei pen Shan State Army-SSA in mipi a ding abawlsak uh hi a, Myanmar Army in 2011 kum in susia dikdek in meitawh haltum sak lai ahihi. 2012 kum Shan-Myanmar ceasefire khit ciangin SSA in athak bawlsak kik ahihi.
Myanmar leh Shan SSPP/SSA kikal 2012 kumcil lam in kilemna ding hiamkham khutpi mek khit zawh 100 vei val kikapnma om veve ci hi. 2014 sung bekbek in zong 28 vei kikapna om ci hi.
Tunitan Myanmar Army lam asi 121, aliam 92 omta ci hi. Shan lam zong asi aliam leh kiman 10 khong pha a phual 2 khasuah ci in SSPP/SSA headquater pan Major Seng Tai in gen hi.
Zomi te'n zong Zogam nget nang Zovontawi Fund ki hanciam san laitak ahihi.
Source: S.H.A.N
No comments:
Post a Comment