Shan leh Myanmar kikapna Kyesi township sungah tudong khawl theinalo a Myanmar lam asi 8 phata ci in kiza hi.
June 26 ni in Pasong khualai a Pasong leicing Shan galkapte Myanmar in va kap a ahihmanin, Shan te'n zong Myanmar Wangkat phual va kap kik pah uh ci hi. Tua pan in Loilem district sungah kikapna kipan ci hi.
June 27 ni in Shan galkap te'n Pasong lei a alawmte uh huh dingin kuanbeh uh a , Pasong lei pan mile 1 val na ah Myanmar Army hon khat tawh kituakkha in tua mun ah zong kikapna nasia takin om ci hi.
June 27 ni kikapna ah Shan lam 1 si in Myanmar Army te'n 60mm leh MA 7 tawh akapkik kawm un taimang uh ci in kiza hi.
Shan officer khat in " Yangon, Mandalay va kisim hilo in ko gam ko tual hong sim uh hi in, ceasefire hang a tungsiah te'n kapkhuan hong pia lo hi kei leh bel a phialmang nuam ta hi ung." ci hi.
Myanmar lamte genna ah Shan te'n galkap beh laplap, galvan lei thuahthuah ban ah galphual lam behbeh uh ahihmanin , Middile East Commander Major General Minok ( Min Naung) in direct order pia ci in Myanmar galkap tawh kinaihuai lam pan kiza hi.
Shan leh Myanmar kikal 2012 a kipan ceasefire omsa ahihi.
No comments:
Post a Comment