2014 a kipan India ah BJP Narendra Modi makaih kumpi thak kahta in, Parliament Budget Session khawmpi zong kipan ta a July 31 ni ciangin zosiang ding uh ahihi. Parliament khawmpi khit ciangin India-Naga kihona nei ding ci in kiza hi.
Tua kihona ah pai ding in Naga makai V.S Atem, AK Lungalang, TT Among, Victor Angami, Imcha Longkumer leh Qhevihe Chisi Swu te Naga gam pan New Delhi kuan ta uh uh hi.
National Socialist Council of Nagalim- NSCN ( I-M) makaipi chairman Isak Chisi Swu leh general secretary Thuingaleng Muivah te bel May 13 ni in Dimapur pan Delhi zuan in kuan khin ta uh hi.
August kha sung khong in India-Naga kihona om kik thei dingin kilamen ahihi.
India-Naga kihona pen a huzaap lian mahmah in India northeast a State 7 te'n a bildawh penpen thu khat ahihi.
Zosuan Zomi leh Kuki mipite lung hihmawh penpen khat zong hi tawntung ahihi.
NSCN te bawl Nagalim kici map sungah Mainipur area 70% phial huamsak uh a, Meitei kuak leh Lamka zang teng bek sit uh hi.
Nagate Manipur pan inntuan khia leh Zomi teng bek Meitei nuai ah ki omlai lenglong kha leh, Meitei te'n hong simmawh lua ding hi ci in Lamka lam unau Zomite lung himawh mahmah thei zel uh hi.
Tua ahihmanin Lamkalam Unau Zomi mipite leh ZRA in Naga-India kihona limtak bildawh tinten den a, a kisap leh India tawh kikap dingin mansa in om den uh ahihi.
Unau Zomi, Kuki leh Naga te maban August kihona pan, hong hoih toto sem nangin thungetna ah phawk ciat ni.
No comments:
Post a Comment