Zomi leh Myanmar Drug dinmun

Myanmar ah United Nation Office for Drugs and Crimes-UNODC huhna tawh drug kido kum 15 ( 1999-2014) cing ta in tua tawh kisai thugil lak theihte anuai bang ahihi. Atangpi in en leng 90% phial lawhsam cih ding ahihi.

Drug Do Kum 15 Plan sung dingin Township 51 kingim in tua lak ah:

Chin   State    2

Kayah State   2

Kachin State  4

Shan State   43

Kigawm 51 ahihi.

Chin State a township 2 kihel in mun tamzaw ah lawhsamin nidang sangin uang zawsop ahihi.

Shan State a Wa township 4 leh NDAA galkapte kepna township 3 bek ah zavom cing kikhawl siang zo hi.

Tualo mundang teng ah bel Zavom ciing kibehlap banah, a ciing ngeilo township te nangawn ah kiciingciing ta hi.

Tua ahihmanin kum 15 plan pen lawhsam piikpeek ahihmanin  tu'n kum 5 behlap hi.

Alawhsapna hang pen mipi te'n lokhawh mawkmawk tawh kivak zo nawnlo uh hang ci hi.

Lo pan piang khaite seh 5 kisuah hi leh:

seh 1-- Myanmar Army

seh 1-- Myanmar Pyituhsit

seh 1-- Khuasung nopna dahna vaite

seh 1-- Minam galkapte

seh 1-- Innkuan nek ding

Ci in seh 5 a hawmsak kul ci hi. Tua ahihmanin zavomleh khamtheih tuamtuam ciinglo a kinungta zolo ci in kigen hi.

Drug dona ah kalbi step  2 om a:

-Drug suksiatna

-Mipi huhna 

Ci in step 2 om ci hi. Drug suksiat pen abaih hangin suksiat thuak mipite huhna piak lam ah, kitaksapna tam lua ahihman in drug dona pen lawhcing theilo kici hi.

Tuhun ciangin Chin State, Kayah state, Kachin state leh Shan state ah township kiim phial ah tawm leh tam in zavom leh khamtheih tuamtuam kiciingta ding hi ci in ki ngaihsun hi.

Nidangin hibang om ngeilo hi.

Drug bei nang in mualgamte deih federal ki ukna kisam a, tua kiukna nuai ah drug dona leh mipite  huhna limtak kibawl thei hi leh  drug bei zo taktak pan ding hi ci  in expert te'n gen hi.

Zogam ah zong zavom leh kanza ki nak ciing mahmah ta a dodalna kician a omlo banah, mipite nuntakna a kikhelsak zo ding huhna tuamtuam bangmah om nailo ahihi.  

ZIA in bel drug siah dong ngeilo ding, drug tawh sumbawl ngeilo ding hi. Tua banah mipite huh theih nang leh drug dodal theih nang lampi zong tawntung ding ahihi.

Zogam leh Myanmar bup ah drug kido siang zawh nang pen nang leh kei i vaipuak zong ahihi.