AFC kihelin company 3 ah tuna muat kipuak kha ahihmanin. mi pawl khat sushi gui uh a US kumpi ann leh zatui lam saite in sitcianna nei uh cih kiza hi.
Tuna supply company ahi Osumu te'n AFC, RSF leh PFF te kiang a a puak uh tuna ngasa bawmte lak ah amuat leh mihingte a ding a lauhuai histamine kihel kha ahihmanin, tua kihelkha nete cidamnalam ah buaina tunlawh ahihmanin FDA ten kan uh a, sushi bawm 1800 puakkik sak uh ci in kiza hi.
Tua tuna muat leh histamine kihel nekhate amai uh bawk, thak, sungpai, sungnim, lua, ci hik, kamsa cihbangin allergy kilemlo thei ci hi.
Tua tuna hoihlote pen Osumu in August 18 leh September 18 kikal AFC, RSF leh PFF te kiang apuak lak vuah kihel kha ci hi.
Tu'n bel Osamu company ten tuabang a tuna hoihlo kipuakhate bel market ah bei ta ding in um uh hi. Ahihhangin tuabang a om lai khak zenzen leh 310 327 6376 ah hong zasak un ci in gen uh hi.
Zomi a tuakkha leh muangmawh i om leh kancian tek huai ahihi.
No comments:
Post a Comment