California Sushi sai khat 27,500 kiliau sak

Sushi sai nei khat in a cimang dek ta ahi ngasapi (whale) nam khat  sa   sushi sungah helden a, tua thu kum 4 sung video tawh ki ciamteh den  ahihmanin, tu'n kumpi in dollar 27,500 liausak ding ci in Time in Novemebr 18 ni in gelh hi.

California  Santa Monica khua a The Hump kici sushi sai nei Brian Vidor in " Sei Whale" kici ngapi cimang dekdektate  sa pen asai ah sushi tawh zuakkhawm den ci hi. Tua thu  2009 leh 2010 sungin video tawh limtak kilasim den a tua siksanin kumpi in agap ahihi.

2010 kum in kumpi thukanpa leh US Fish and Wild Life Service, US Custom and Border Protection, National Oceanic and Atmospheric Administration te customer kineih in tua sushi sai ah va pai uh ci hi.

Brian Vidor i sushi chef Kiyoshiro Yamamoto leh Susumu Ueda te in a sushi te a lui uh ciangin, a customerte kiang ah hi pen " whale sa" hi ci in gen khiankhian uh ci hi. 

Mipi lungkimlote The Hump mai ah lungpho

Tua banah inn pan kuankhiat uh ciangin,  sushi bar tung khit  ciang, khuadak phot uh a  alem leh a motor vuah  pai kik uh ci hi.  Motor sung pan plastic bag khat la khuankhuan kawmin selsim uh a saisung lutpih kik  zel uh ci hi.

Hih Sei Whale te pen Marine Mammal Protection Act kici US thukhun tawh kikham ahihi.

The Hump sai pen Typhoon Restaurant te kahiang ahihmanin, asai neipa Brian Vidor leh Typhoonte liau khawm ding ci in kiza hi.

The Hump sushi sai pen Santa Monica Municipal Airport a kihong ci hi.

Zomi Sushi sai kiliau sak bel kiza nailo hi.