Tutung Zogam khuapiguah in hong ambush vat ahihmanin, kua mah kiging khol manlo in, mi tampi tak in dongtuah loh cih Zogam thuthang ahihi.
Hibangin dongtuah thu hong om ciang in, Zomi sung thu kikan tuah ngeingai in i lungngai khia tek ahihi.
WZC in zong hi vai pen thu piang taktak le dong vai taktak hi, cih a ki confirm ngam ciangin, kigen khawm in , vaisai ding kipan pah man hi.
Ahizong in Singapore lamte Zogam tawh kinai zaw deuh mah in om a, thu le la na theibaih in, ZIS in panlakna le innteekna laksawm in, dong vai zong 2000 val bang ngah ta uh cih thu report a om ciang in, ahimah ve, vaihawm tam leng buaihuai banah Zomi Innkuan cih zong hibang khong mah , asai kei uh leh ahih ding dang uh lah om hi samlo a, ci in ZIS te panlakna pen pha kisak pih in, WZC in mi vaihawmna va nongkai sak se dah ni ci in ZIS nasepna ki nungthuap pah ahihi.
Tua ahihmanin WZC in tanu pawl kibawl tuam nawnlo a, dongtuakte ahuh nuam khempeuh in ZIS te kawkmuhna ahi Tedim a TRLC le TYF te tawh kizawm a, huhna piakciat dingin ih ki hanthawn sawn ahihi.
Aphual a om te'n zong nunga CCJ bus tungtang sangin, apilhuai zaw deuh dingin, hong vaisai dingin i ki ngen ahihi.
Thumnopna khat ah tutunga dongtuakte paulap a,Kawl Colonial Regime molhtum bangliang zawzen a, Zomi makai le pawl tuamtuamte panlakna dangte, atttack bawl nang chance lakna in, kuaman i zatloh nang i kithum ahihi.
Zogam, Kawlgam le Leitungbup a om Zomi akuamah ciat in zong, dongtuak i Zomi pihte i hih zawh zahzah tawh huh ciat dingin i kihanthawn hi. Zomi le Zogam kong vaihawm sak ding uh hi, ci a kuamah ciallo pi a hong uk, Kawl Gamkeek Hausa in kin lo a, dongtuak cianga Zomi le Zomi mah kihuai kihuh kul den dinga hong koihnate zong, mawhpaihna sang penpen i paih ahihi.
Zo Khup
No comments:
Post a Comment